阿媽康復進度／電訊盈科

噚日陪阿媽去做物理治療，康復進度超速，已經進展到盡量戒坐輪椅同四腳架，開始用拐仗，噚日教左用拐仗要注意事項，跟住仲試埋唔用拐仗，原來已經行得唔錯，當然未穩定，但真係恢復返七成了，下星期仲要繼續嚟，希望越嚟越好：）

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

屋企個固網電話1月頭到期，連續幾年都係幫趁電訊盈科，因為當初搬嚟時，知道無乜選擇，係pccw接拉左線，跟本無得揀；年年續期都話有優惠，大概係$128一個月，簽一年，但有幾個月唔使比，圍起嚟$88一個用。。。

但今次呢，無優惠喎，仲要無禮貌喎；

隔幾日，我自已打去，諗住換過個人，會唔會有第二個plan，結果一樣，禮貌好D，同埋送我一個飯煲喎，要個飯煲做乜呢？

終於上網摷其他公司，check下人地乜價啦，原來佢地無固網，但有寬頻電話喎，只係需要$38，仲要有野送喎，送隻煎pan（乜咁鍾意送厨房野架呢？）

到我通知電訊盈科唔續約，佢地先打嚟話可以平D喎，乜都簽哂啦，仲等你咩，平左都貴人成倍；我一話簽左第二間，冚我線喎～真係乜世界呀