豬年最後一PLUG,派出斐"星"國際，即係星際（澳門嗰間）嘅旦旦影帝梁朝偉
派台歌係“肉體關係“，歌名好性感啊！但聽落好惡啃啊！
歌詞
好難聽呀,嘉玲，救命呀！
夠爛啩！投ogake定投我？
下週爛歌金曲鬥一番將暫停一次，原因係。。。
-----------------------
我去咗旅行啦！星期一朝早機;之前因中國大雪關係,令團友被困杭州,差D趕唔到返嚟,好彩最後有驚無險,LUCKY.
講返旅行,今次去倫敦同巴黎，初七番，個blog暫停幾日！有嘢就留言啦！有電腦嘅話會試覆。
預早拜個早年，祝大家身體健康，心想事成，日日開心，日日是好日(日日日日日)。（爛歌精神）
出發前已大掃除兼貼咗揮春，幾有新年氣氛，yeah!
出年見 :)
.JPG)
9 意見:
雖然偉仔係我由細到大嘅偶像，不過，我都會平心而論...呢首...真係幾難聽！
(忽然想起鄧麗音小姐及其fans...我係咪應該死撐，偉仔唱歌好好聽？)
聽埋你對手嗰首先投票。
新年進步！順風順水！唔好冷親啊，呵呵 ~
上星期知道杭州大雪，都替你擔心，而家你應該係幾萬尺高空開開心心緊喇。要咩手信好呢？唔要姓何架，哈哈 ~
梁先生唱得差，「肉體裏」最惡頂，但首歌既 production 算 OK，編曲有心思。今回唔投你 lu。
本來想投你嫁, (因首歌太正了,懷疑一錄完就出街,應該冇人執過)但因東主有喜, 未能出席, 故本週投ogake!
祝你玩得招積, 住得舒適, 食得超值!
祝各院友新年大吉!
朱朋，等我替你同其他院友寫張醫生紙，過幾日春節假喇 ^_^
易先生神聖不可侵犯，諗起佢個紅館演唱會，著住套西班牙鬥牛裝出場，嘉玲以至一眾粉絲都應該唔介意佢唱成咁...
祝鳴門新年進步、身壯力健、創意滿瀉、心想事成！
哈哈！我唔知你同OGAKE有場惡鬥，但讑爛歌，肯定呢首方麗盈－盟主、民主莫屬，我投佢一票！
唉唷！一票都無，輸得咁慘
Post a Comment