與快獸漫遊倫敦巴黎-EQ崩潰的第四day

第四日超多意外，最黑仔的一日

因為要搭6:00pm Eurostar往巴黎，今天只plan了兩個景點，諗住輕輕鬆鬆去車站，見大把時間，影埋張早餐枱比大家睇


第一景點﹣﹣﹣Kensington Palace,原來又喺Kensington Garden入面，早知噚日去埋；呢度係戴妃生前所居住嘅皇宮，唔算好靚，仲有D冷宮Feel；我地八點幾就去度，太早，無得入去參觀


想去Design Museum,跟書出咗地車站，出咗第一個意外。。。無路牌，問人又無人知，咁啱有三個Starbucks少女攞住壼咖啡比人試飲，佢地諗咗陣都唔識，敎我地往某地方再問人，臨走前比咗杯細咖啡我地，仲話："Keep your body warm'，嗰刻，點止身暖，個心仲暖;
決定搭的士，個司機竟然敎我地行去；Starbucks眾少女同司機，你令我對倫敦加咗分。
原來正確方向就係早兩日行過嗰邊，於是又見到Tower of London


仲有Tower Bridge


今日天氣靚Ｄ，啲相出嚟仲靚過早兩日


落橋後司機教轉左，但Tower Bridge職員點我地向右，跟咗向右行，去到一個Mall,叫More Mall


出去竟然到咗London City Council


仲可以近距離影到呢張Tower Bridge Postcard相，都算"意外"之喜


行吓行吓，去返左邊，終於到咗。第二個意外又嚟啦，原來今日Design Museum只會得一個展覽場開放，其他館休息，但唯一個館做Architect的展覽，唔係我嗰科，我放棄


行咗咁耐，疴篤尿先，厠所都好有藝術氣息喎


正徬徨唔知去邊好，奇蹟又出現；原來嗰區係舊碼頭改建成藝術區，所以幾條街全部係舊建築，好似入咗舊片場咁，影呀影呀影呀！


拍魔街理髮師得，教父又得，拍咸濕教父都得


試吓變黑白，等佢感覺更強


影完，出去搵嘢食，第三個意外又嚟啦！朋友架相機由去舊區起影嘅相勁震，結果，喺舊區影我嘅相唔鬆郁矇嘅得番一張，so sad


Lunch Time,無咩選擇，見呢間排哂隊，就佢啦！我一去條隊就開始無人，咩我咁大影響力？呢餐好味到不得了，個沙律樣衰衰，但材料非常新鮮又爽脆，鷄肉焗薯好香，好Rich，朋友連皮食埋，個漢堡包不得了，仲好味過Burger King


快獸都讚好，yeah


第四個意外。。。距離搭Eurostar時間好鬆動，但我地決定早D番去，但我上錯地鉄，在下一站轉車時竟再上錯，一錯再錯下，我開始緊張。
再轉時轉啱喇，又到地車delay 再delay，試轉第二條線，但廣播先話要十分鐘再改要廿分鐘才有車；我地決定早兩個站落車行番去酒店，即跨過Kensington Gardens，今朝都行過，預計二十分鐘應該番到去酒店。
結果番到去，四點九，本來正當十五分鐘就可到Eurostar車站，但怕地車仍有問題；
酒店服務員敎改搭巴士，只需二十分鐘，但行去巴士站又要十分鐘，見到街口有架的士，我同朋友對望一下，決定上車，我影相時仲喘緊氣


十三英磅換來安全到埗，都值嘅。終於上到Eurostar,鬆哂


兩個多小時就到，巴黎車站開哂暖氣（紅燈嗰D),原來法國比英國凍


之前未去過法國，一去到發覺地鉄站殘舊，仲有老鼠，到目的地，上地面條樓梯窄到離譜


路面蒼涼，人都唔多個，有人行過，即刻問路，咦！好靚女喎。到達酒店，check in,個酒店職員好靚仔喎！原來呢度盛產靚人。間房比倫敦大D,但個電視舊到可以放入博物館


第五個意外。。。即刻搵飯食，問靚仔邊度有嘢食，佢話All over the street。。。即係咁，我諗呢度仲蒼涼過天水圍,九點幾已經好似半夜咁。
見呢間意大利餐館外表斯文，咁夜仲open，就你啦！Menu全法文，waiter唔係好識英文，亂點一個pizza 同意粉。點知個pizza 係吞拿魚，個意粉應該係馬介休，真係"妖"，有無咁橋呀；終於要括走個pizza面嗰D嘢，食咗半個餅皮，但係其實餅皮已受污染，有D味，"SHEET"


捱住餓瞓覺，凄涼