寵物

噚日講朋友嘅寵物，今日講自己嘅！
自懂性屋企都有養魚同龜，最跨張時屋企有七缸魚，五缸老豆，兩缸我嘅！阿媽就最鍾意龜。細個養過貓，狗，雀，兔同鷄。
其中有隻龜陪住我大，佢最初係表舅父細個時嘅寵物，後來到阿公養，阿公走咗後嚟咗我屋企，但喺佢四十幾歲時，有一日突然跌咗落樓死咗，唔知係意外定真係跳樓自殺呢？
佢走咗後阿媽唔肯再養龜，直到幾年前終於買咗佢。。。

佢叫小靈龜，而家冬眠緊，佢好貪玩，一食飽就會跟住人週圍行，唔陪佢玩會咬你架！


仲有隻巴西龜，同啲魚一齊養，鬼咁大食，游上游落好得意


阿爸就鍾意魚，而家老家養咗三缸，一缸金魚同神仙


啲金魚肥得得


神仙好靚但好難養


第二缸係錦鯉，好大條


第三缸係羽毛刀同波子魚，波子魚游水論論盡盡


羽毛刀怕怕醜醜，但真係成條羽毛咁，好盞鬼


我自己就養粉紅斑馬同鳳凰，靚唔靚？



你地有無養寵物？