生日飯前菜

噚日小弟生日，出去食餐生日晚飯，揀左去汀九食。。。  

提早少少去麗都灣影下相，上次嚟落大雨，今次好好天；先影下橋底。。。  

另一特色係好多飛機飛過，影左呢輯飛機同橋嘅組合，我幾鍾意。。。  

再細心睇下個海，好多魚毛呀。。。  

另一個賣點，亦係我講嘅前菜。。。咸蛋黃  

影到呢個時候，肚餓了，去開餐了；點解會嚟汀九食？聽日揭曉

電飯煲飯

信德中心間澳門茶餐廳門口嘅宣傳，我估呢樹都係做強國人生意多，但強國都家家戶戶有飯煲啦，唔係燒柴啦，吓哇？ 咁電飯煲飯有乜賣點呢？ 反而係柴火煲飯我興趣大D囉

我在澳門on十十睇強國人行嚟行去

首先想講，多謝各位提供各樣醫痱滋方法

昨晚灑多次鹽兼大量飲水後，今朝起身已變行唔痛，應該好返，你地D方法我下次逐樣試啦
---------------------------------------

今朝，5:30就起身，7:15am過大海，哇，候船室多人成咁嘅，全強國人呀，好亂好驚呀～




我負責分店係四間，雖然有小意外，但總算有驚無險；2:00pm已做完；但係，約左其他兩組同事喺議事亭集合，點解無人嘅？

我個電話原來無漫遊（好大懵），終於其他組電話搵到我組D師父，話佢地出左問題，叫我喺議事亭再等多半粒鐘

我無野做兼勁攰，唔想走嚟走去，結果on十十睇強國人行嚟行去。。。

過左半粒鐘，都係無人嚟，而我已放哂我組D師父走，電話都無埋；終於等到3：10pm至出現

陪佢地食個遲來嚟午飯（佢地做到無晏食，我就唔同呢，我係計啱數夠時間開餐架）搭船返到屋企已經7:30pm，餓扁達仔了

﹣﹣﹣﹣﹣﹣﹣﹣﹣﹣﹣﹣﹣﹣
繁忙嘅工作全部清哂，明天開始超得閒，閒得正合時，正好分多D時間照顧阿媽，我亦需要休息

傷口灑鹽

呢幾日又要出街跟金舖display，開好早，下晝抖抖，夜晚再出動

唔夠瞓兼唔飲少左水嘅情況下，生左粒大痱滋，一日痛過一日，搽左西瓜霜都無乜效

終於用返老豆教落嘅古方，喺傷口上面灑滿鹽，跟據過往經驗，乸左D液體出嚟，會好得快D

但今次，噚日灑左兩次，今日再嚟一次，痛到標眼水，都未有好轉跡象。。。

寫完呢篇，再灑多野就瞓覺，因為聽朝通告係0630，澳門；真係要早抖啦～

你地有無灑過鹽，有無其他好方法，謝～

本週廢話

朋友：（指住張海報）呢個徐子珊嚟架？ 我：係呀，戴左假髮扮（口靚）妹㖭呀 朋友：呢個又係整到變哂樣，塊面尖到呢？ 我：我都想整呀 朋友：整邊樹？ 我：整尖個“籮” 朋友：咁點坐呀？ 我：係喎 ﹣﹣﹣﹣﹣﹣﹣﹣﹣﹣﹣﹣ 事後諗。。。戲院𠝹凳唔使帶𠝹刀啦：）

酒店下午茶自助餐奇遇記下集大結局

上集喺度

 開估啦，用visa分換嘅下午茶自助餐，酒店係機場富豪 

原來機場無水牌教你去富豪架，攪到行到方向錯哂，行去都用左20分鐘  

三點開始，我地兩點五十幾去到，無人帶位，全餐廳得呢位女部長同呢枱客，佢地係咁傾傾傾，女部長望一望見到我地，竟然都要繼續傾多半分鐘至肯出嚟呀～ 

因為window seat好多都係四至六人位，我地望一望，佢話鍾意邊個位隨便坐啦，今日少客。。。咁驚嘅？ 

之後，多左一個男侍應，一輪咀唸書咁話三點至開始，但係餐廳唔比參觀，請坐下先；

乜我有話要參觀餐廳咩？ 

呢位侍應之後只係企埋一邊吹水，無行過出嚟，直至埋單果陣；呢份係好工嚟嘅 

咁女部長呢，返去同熟客傾傾傾，企喺度傾多半粒鐘直至枱客走左；呢份真係好工嚟嘅



呢樹最大賣點其實係睇住飛機起飛，好似第一張相咁 食物其實唔差，有C瀑布，朱古力噴泉，movenpick雪糕，狂吞三球，大量莓莓，sweet sweet~  

煎pancake女士只係煎左兩塊pancakes，即係我同朋友，之後只係罰企；

執枱一路都係得個小妹妹，但其實乜都佢做哂；

果兩個疑似高級D嘅就繼續吹水

 呢間當然係唔推介嘅～

 完～

醫院個磅。。。壞嘅

上星期運動後喺樓下會所磅。。。136
今個星期醫院磅。。。147

擺明壞嘅，哼～