fake magazine cover

ogake send 咗個網頁嚟！幾好玩架，套張相就可以化身雜誌封面主角，仲有十幾本雜誌比你揀；

快獸玩先，比想像真實喎，幾鬼靚仔呀真係！

到自己玩；知唔知呢張相喺邊度影？

Rolling Stone都做埋

GQ封面，正呀！玩到唔停手

邊鬼個細路，咁可愛嘅？林源三呀！

約咗ogake今日寫同一題材，去睇吓佢D咩嘢料先！

遊客

今日一早同阿爸阿媽飲早茶，飲完先至十點，但約咗客兩點半傾嘢，幾個鐘，點過好呢？決定今日做遊客，先去文武廟探吓阿爺／婆／公／舅／uncle先；原來不知不覺，已有五名親人搬咗嚟！
見到仲可以攝太歲，快快攝埋；咁大個仔第一次攝，亂哂龍，個廟祝睇唔過眼，逐樣提點。

跟住見到呢個牌，史蹟？WOW


沿史蹟往上行，到達“孫中山紀念館“,以前喺呢區住咗成二十年，但入去都係第一次


一入去就見到好英嘅孫中山彫像


每層嘅玻璃都有唔同嘅彫花，推介


成個館比人嘅感覺好似去咗“傾城之戀"嘅場景咁


展覽品唔比影相，有興趣自己去睇啦！

第二站。。。中區警署
中區警署做緊"再織城市“嘅展覽，呢個一八四零年嘅建築物由警署，法庭同監獄集一身；首次開放，點可以唔睇


遊客不多，我係今日第一個


入面有大量具歷史價值嘅裝飾及文物，喺香港好小見


講番展覽，以城市規劃為主題，部份抽象得嚟幾得意


第一次見到真嘅監獄，原來每間房好細架


外面睇，有大量有倒勾鐵絲網，想逃獄，難LU


展覽期至十五號，要睇就要快手啦！

預告：聽日會上網訂(Chanel Mobile Art)入場券，邉個有興趣？
http://www.chanel-mobileart.com/?lang=zh-tw_ao

金句

攝於天水圍往深圳灣口岸小巴，mmmm........真係想搬返市區住。

爛歌金曲鬥一番。。。第九回

上回又得手，比數擴闊至5:3, 興奮呀！


我要連贏三場，請大家以熱烈掌聲歡迎森美同小儀


派台歌"大明星"，唱功一流，詞正曲精，大家好好欣賞


歌詞


快D睇埋ogake出咩爛歌，但係投我票

ps:見到投票同回覆爛歌人數越嚟越多，真係要講句多謝哂，肯陪我地癲，我會比心機鬥落去架。

春天嚟啦

星期六，陽光普照，長長嘅冬眠終於過去，可以由十個鐘減到九個鐘，落街影吓相先。
通街紅棉開得燦爛，紅得惹火。


幾隻雀仔喺棵樹度食花蜜，食完唱兩咀，特別吱渣，特別開心


跟住走去"自憐淨丸"行吓，影吓蓮花先


比較滿意嘅一張


影影吓已經黃昏,睇嚟要早Ｄ起身


百花齊放，唔會再凍啦啩！

落地生根

"落地生根"係好粗生嘅植物，通常喺舊樓D屋頂／外牆經常都會發現佢地；


幾年前貪得意喺新浦崗執咗幾粒種子番嚟，其中呢棵種到好大，喺窗台生到上頂，今日竟然開花，仲好靚添！

與快獸漫遊巴黎厠所

去台灣，行哂成條街都無垃圾筒，而巴黎，行足半日都無個厠所；
旅遊書早有提示盡量喺商場／餐廳有得去就好去，當然照做，但總有失手時候；到埗第二日，急呀急呀急，去到某個火車站，見到個收費嘅公厠，門口有幾個女人收錢，無遮無掩，真係自由奔放；比咗錢先可以入內解決，“大小“同價，但係大唔出，蝕哂呀！


行咁多日只見過幾次這種投幣公厠，但係個樣好似好污糟，有"獲“勞咁，個地下仲濕lup lup，當然無幫襯


旅程第四日，骨頭博物館個厠所維修暫停，出面個公園好似維園咁大，睇哂個公園指示竟然只得呢個厠所。。。男女共用兼得一個，唔係呀，條隊長過入博物館，有D懷疑會唔會滿瀉


唔怪得巴黎人食咁多法飽，原來急尿時食舊法包"索"番啲水用！