最憎冬天，除左凍之外，仲因為乾，而我一向都係一個懶人。。。
對於皮膚護理，我一向都差唔多係唔理，以前總會（學人）買埋一枝三枝，最後總係過期收場；而家放喺厠所嘅大部份都係抽獎抽番嚟，又或者都係過期嘅。。。
對皮膚有幾求其？同我去過旅行嘅朋友，同我出過trip嘅舊同事都知，試過嚇死佢地㖭
例子1：上廣州工作，坐直通車時，小腿乾到龜裂，痕爆；袋𥚃只搵到一枝唇膏，於是我隊枝唇膏落小腿捽上捽落，嚇到當時坐我隔離嘅女上司O咀，即刻從佢個袋摷左枝貴野我用
例子2：出trip搭飛機，咀唇乾到出血，個袋得枝酒店嘅潤膚膏，於是我拎嚟搽咀；隔離嘅女同事又嚇到O咀，話有毒喎
例子3：搭巴士時，對腳好乾，今次唇膏潤膚膏都無，點算呢？。。。。。我塊面好油，於是用天然分泌絕不敏感嘅面油嚟搽腳，好環保呀～嚇到身邊朋友唔止O咀㖭。。。。
.JPG)
22 意見:
都幾廿歲啦, 塊面仲會幾油?
第三個例子睇到我乜都O哂
阿粉：
真係好油架，下次表演你睇
卡臣：
可以O乜？O孃？
你咁做又好似錯唔晒咁。
潤膚膏同潤唇膏都係滋潤啫，可能潤膚膏多左D香料。其實得唔得呢？
効果好唔好呀大叔？
係咪鬼故??????
……
lotion唔可以搽咀
因住中毒呀你
你要既我不如送一枝半枝tester比你啦
有共鳴呀！
我十二月去完日本乾燥到損咗嘅大脾內側依家仲有疤痕呀~
驚。十個驚。
下次試下先．．．XD
Cat:
效果呢，其實止到咀唇唔再損，對腳唔痕就得架啦，要求咁低，係有效果架
WWW：
賤，十年唔出場，無句好野
Bean'z Lam：
我好多枝，懶用咋，多謝
大頭：
咁搽D口水啦或者
karvitz:
你幾時變左無膽鬼？
l.minor:
hehe:)
唔怕唔怕，我撐你！
因為我都試過1同埋3！^.^
不過兩樣都唔係搽腳。
有一兩次游完水，咀角實在太乾，但冇 lotion 喺身，唯有搽少少潤唇膏頂住檔先；
另一次係隻手嘅虎口位太乾，於是用嗰度捽一捽額頭，即刻潤晒！
但潤膚膏搽嘴就真係未試過。You win!
天呀!!! 大叔你唔好咁懶啦!!! 對自己好D, 對其他人都好D呀..
第二時達仔嫌棄你乾爭爭, 唔坐你大脾呀!
真係好核突呀大叔＝，＝
Vaseline 唔貴呀！ ＝＿＝＂＂＂＂
black lab:
得你撐我咋
TY：
我大脾有著褲，無著褲就唔也上大脾啦，花哂都似
亨：
唓～
chiseenjai:
我有喎，無用咋嘛
核突佬！你咁樣點溝女(or俾女溝)呀？
Ebenezer:
hehe :D
哇，你真係....
.... 勁呀，玩野外求生實唔夠你黎！
綜合以上意見, 得出一個結論: 大叔超懶...
唉, 為己為人, 搽番D 潤膚/唇膏啦, 咀唇乾到流哂血真係幾靚仔都嚇破膽啦~
laulong:
玩野外求生如果係海島我死梗，我唔食魚
ayclui:
係嘅，我唔應該恃住靚仔就懶嘅，好啦，我去搽下野啦，橫掂個唇爆到泌血
個唇爆到泌血唔痛嘅咩? 咪話少少苦楚=激勵喎~
我呢, 如果無潤唇膏跟身馬上周身唔聚財, 要即刻飛去買o架~
ayclui:
痛架，但唔想郁
Post a Comment