南丫島。。。模達灣＞菱角山＞索罟灣

上星期六，農曆七月十四，有乜好做呢？

決定去一趟南丫島，榕樹灣行去索罟灣去過無數次啦喎，今次決定由香港仔出發，去模達灣


香港仔先隊碗謝記魚蛋粉＋剩魚片，老實講，味道一般啫

去到碼頭，見到三隻貓，好乖任影；左一左二其實係同一隻，左一個樣好扺死，左二個樣變左馬田X；左三果隻睇得電視多，想學某保險廣告，大步向前


上2:30pm船，星期一至六，單程$9.2；23分鐘就到啦；


到碼頭，水真係好清呀，睇下碼頭旁呢舊係乜？珊瑚定海草呢？佢週圍仲有好多魚喎，你數到幾多條呢？


原來模達灣只係得間餐廳同個靚沙灘，決定行去索罟灣，中途有呢個名勝，模達學校，已荒廢


沿路有村屋，兩旁有大量生果，呢棵蕉樹就惹來好多食家啦；有位嬸嬸好好人，見我地路過，請我地食樹上熟黃皮，真係好清甜呀，好正呀～～～


向村民問路，知道可直接去索罟灣，或先去石排灣或菱角山，最後都有路去索罟灣；決定先去菱角山，點知。。。
一望無際嘅上山樓梯，我諗真係過千級，完全無樹蔭，OMG！


頂硬上，就嚟到頂啦，回頭睇下，哇，好靚靚呀；右邊嘅就係石排灣，擇日再去；請留意下海面深色一笪笪嘅地方。。。


由左至右湧住去，深色嘅中間又有D無數白色嘅點，放大睇似係好大群魚囉；有無人識呀？


望向另一邊，又可以見到南丫島三枝香喎


近山頂位好多怪石，左起，似手掌；中，好狗呀；右，忽必烈


最高點，有個秘密基地呀；跟住一路行都無路牌，雖然得一條路，但方向完全唔係索罟灣喎；繼續行，終於見到有十字路口，向右轉跟住好快就去到索罟灣啦


落到去已經黃昏，飲下汽水食件好好味嘅砵仔糕就上船啦


船上睇黃昏，個天七彩架，用auto影都出到咁嘅效果


去到香港仔，當晚嘅月光又大又光呀


點去模達灣：香港仔近珍寶上船，船程聲23分鐘;
模達灣直接去索罟灣只需用30分鐘，上菱角山要預多70-80分鐘
索罟灣有船返香港仔或中環