先講阿仔，地下有堆嘔吐物，從未消化嘅乾糧形狀，係阿仔嘅；不過我估佢一係食得太多，第二個可能性等佢自己講。。。
今日係換貓砂日，要入睡房攞貓砂，一開門，一隻貓影飛快地走左入房，lay埋床下底唔肯出嚟，佢係阿妹，擾攘左15分鐘，佢先行出嚟，我即刻捉番佢出廳；（事後諗佢可能係搵老豆）
換好貓砂，都未冚蓋，阿妹又發功，今次係企喺貓砂上面唔肯走，真係趕都唔郁，仲用個背脊“得”住我
今日亦係貓礶頭日，平時佢地會好雀躍，今日阿妹索幾野就走左；阿仔老實唔客氣食哂一礶
阿妹唔開心呀，睇表情都睇到呀
梗係掛住老豆啦
佢悶會做乜？痴住我對爛鞋
五分鐘後，幾乎無郁過
阿仔食完，洗埋碗，添乾糧，吸埋塵換埋水。。。阿妹依然郁都唔郁，你咁鍾意不如送比你喇～
最後，阿仔有野同佢老豆講。。。
.JPG)
21 意見:
可以整貓屎咖啡
卡臣：
我送包比你，大把貨
我好想知你點氹番阿妹出黎
阿仔阿妹一係大煙未抽夠﹐一係思念是一種病。
貓砂日唔係應該日日都係嘅咩？
阿妹好可憐呀...........嗚呀，我又諗起我屋企D貓喇，嗚呀！
阿妹真係好唔開心喎~
用個背脊“得”住你,你點收科呢?
唉吔, 亞妹真係掛住老豆, 走豆都就嚟返啦, 你氹住佢先, 俾多d愛心撫摸。
睇得出阿妹同阿仔真係好悶...大叔你無同佢地玩下咩?
超like最尾阿仔張相,隻手仔好配合果幾隻字...好似出緊拳咁~
Artman:
完全無計，等佢自己蒲頭
best actor：
：（
largeheadboy：
一星期一次，其餘日子係“畢”走黃金就得架啦
馬田亨：
你下次番嚟，D貓唔認得你啦
l.minor：
大力推佢個”蘿“推到佢仆出去咋
瘋膏：
有幫阿妹按摩架啦
ayclui：
撞正自己都忙爆，日日逗留時間都唔係好長咋
阿妹連隻爛鞋都痴住咁耐...佢應該真係覺得好悶.....
TY：
我今晚應該抽到時間，陪佢地耐D
人家便便你都影,
無禮貓呀你!!!
新鮮人:
影（人）便便？我無呀
阿妹瞓係你隻鞋度唔郁，係咪唔想你走？
佢地咁鬼悶，咁你有冇跳番part開心舞等佢地high番Ｄ？
到底係阿妹細定你隻鞋大呀？
南宮夫人：
請問阿仔同阿妹係咩關係？
一讀者上
Tat:
唔想我走？實係啦
開心舞？呢排攰到嘔，無力跳
阿粉：
阿妹細
一讀者：
我唔係南宮夫人，我叫白宮XX高人
佢地咩野關係？我唔知喎，當年佢地一齊被遺棄喺同一個籠比artman收養，剩知咁多，可能係母子啦，呵呵～
阿妹個樣好唔開心, 悶悶不樂...陰公豬...
phyllis：
佢真係識話比你聽唔開心囉
果張阿仔悶到嘔,笑死^^
Post a Comment