因為放呢幾張相上facebook，一班愛貓之人決定要救隻貓B
結果，佢地捉到左面嘅老豆同阿B，剩番貓媽
最新故事原來繼續。。。。當晚，老豆走甩，喺石塘咀由三樓跳落一樓簷篷，之後一樓嘅住客肯餵佢，但捉佢唔到；而同時，班貓義工因為三樓位愛貓者嘅大意，喊到豬頭兼嗌哂大交，三樓愛貓者話捉到想養但唔肯裝貓窗紗，貓義工就話你唔裝就咪養，大家不歡而散
一樓呢，又話想養喎，但貓義工要佢辧手續，佢又堅持唔肯，結果又嗌交收場，而最後消息係佢捉到隻貓但遺棄左喺附近公園，我為此好唔開心，但原來班貓義工更唔開心，call齊20人，包括識“潛心術”嘅“專家”（呢個位好好笑囉），不下十次重返公園附近，為嘅係搵番隻貓，但上兩個星期，佢地發現三樓裝左貓窗紗。。。
我樂觀地理解為，一樓根本講大話，佢同三樓夾埋，佢地其實養左隻貓，但唔想比你班貓義工煩，呃佢地掉左隻貓
﹣﹣﹣﹣﹣﹣﹣﹣﹣﹣﹣﹣﹣﹣﹣
到阿B，呀，叫阿Bu至啱，佢主人幫佢改左名啦；經姐夫妹駁線，facebook見到佢主人兼阿B近照；收養佢頭幾日，有晚佢突然全身抽哂筋，女主人即帶佢去太平道睇醫生，使左＄8000，醫生話佢先天癲癇，無得醫，當時聽到我又係超唔開心；但噚日得知，收養8個月，無再復發，兼肥肥白白，主人當正佢係公主(原來女嚟架喎），睇下佢近照。。。
見佢有人錫又健康，心結解除，我開心到失眠呀
.JPG)
19 意見:
先恭喜你心結解除! 而我亦希望你樂觀既理解係正確的!:)
阿BU好可愛!!!!!有人當佢係公主, 真係好好好!!!! 果張佢錫隻白貓.. 好好好SWEET!!!!!
好好好好好好可愛呀佢!!!!!!!
貓貓知你噤錫佢都一定好開心!!!!!
TY：
佢主人話佢係小覇王嚟架
馬田亨：
你果隻都好可愛呀，係個主人唔可愛咋嘛
阿bu得意意意意意意意意意到爆哂燈!
戥你開心呀!
卡臣：
死，今晚仲係無睡意㖭～～
有人錫替佢哋開心~
^v^
心結解除，可喜可賀^^
阿B同貓媽媽真係有幾分相似
都係鬥雞眼
Ah Bu又真係幾過得意呀～
石塘咀？我最近經常去喎～
阿 Bu 搵到好人家，爸爸唔駛流離浪蕩，我都老懷安慰呀 ~~~
最尾果張隻大貓貓係邊位呢？
邪留丸~:
係呀，佢開心時我都放心
Ebenezer：
真係鬆番，無咁罪惡感
Bean'z Lam：
阿Bu喎？邊有鬥雞呀？我反而覺得好彩佢唔似阿媽囉
l.minor：
去石塘咀做乜？搵我食餐飯都得喎
supageti：
養阿Bu嘅貓主有7隻貓架，其他貓囉
你解開心結就好,希望你快d瞓到個好覺,夢會貓貓。:)
阿bu真係好可愛,跟到個好主人真係放心晒。
老豆都應該係有人收養左的,你的推測非常合理。
其實,貓貓同人一樣,都好講際遇。希望人會愛護動物多d。
meow:
際遇真係好奇呀，聽講，佢生左唔只一隻，其他比阿叔拎左去街市送比人，唔知點解剩番呢隻，就遇著我，比我影左相放上facebook,佢條命就改變哂，變左公主
阿bu好靚女, 對眼又圓又大又水汪汪!
希望佢快快樂樂成長!
近排有時夜晚過黎打波，下次再黎預早通知你先～
Phyllis:
我都係咁望啦
L.minor:
好
睇到呢篇我都好開心, 見到貓有人養, 過得好, 就睇到人間仲有愛。
另外, 亞bu好得意, 佢頭的毛色, 好似曬黑咗個頭咁。
阿Bu好可愛啊！！
瘋膏/佚名:
佢真係超可愛，我相信有人錫會令佢靚左囉
Post a Comment