360觀景台。魔鬼山

1/星期日，天氣一流，去行山啦，目的地。。。魔鬼山


2/油塘站行出嚟，個天藍過藍精靈，記住喺商場買定樽水，沿路無補給站架啦


3/經高超道行衛奕信徑，好斜，好快就全身濕哂


4/行左約30分鐘，維多利亞港全景就出現啦，一路上都見到呢個方向，越高越靚，唔使心急，慢慢影


5/即將到頂，可以見到另一邊海港(攪唔清方向，應該係清水灣果邊）


6/魔鬼山又名砲台山，所以有砲台遺跡喺度，但好多蚊


7/行上砲台頂，無遮無掩，港島九龍啓德機場維多利亞全景加藍天白雲免費放送；應該係全港最靚最靚嘅觀景台呀
見有後生仔霸定靚位影日落，可惜當晚唔得閒，等唔到啦，下次再嚟啦!


8/沿路落山，見到滿山野草，入哂光，點可以唔狂影，正呀


有路行去鯉魚門，諗住去鯉魚門轉車啦，結果，影到唔想走。。。。

未完

點去：油塘站出，經高超道行衛奕信徑，約一小時路程