屬於我嘅夏天又少了一個

最愛嘅夏天走了，夜晚變得陰陰涼涼，羽絨被放喺窗台都未得閒收埋，點知今年夏天遲到早退，又拎返出嚟冚啦～

噚晚，約朋友食晚飯，行出酒樓時，覺得大脾痺痺地，以為坐到腳痺。。。

瞓覺時，覺得條腰又酸又無力，無理，照瞓。。。

半夜紮醒轉身，條腰痛到我叫出聲，呢種感覺咁熟嘅？同春天果次一樣，係風濕又來了

朝早瞓醒，痛到落床，坐塔都辛苦，好彩今日唔忙。。。

近午飯時間，落大雨，無咁痛喎

晚上，上朋友A屋企餵貓，上車無雨，落車落狗屎

點知去到竟然。。。無帶鎖匙

一凍就係咁，記性都無埋，飛的返去攞鎖匙，條街水浸兼大雨到睇唔清前面

終於入到去見到阿仔阿妹，今日係罐頭日，點知一開罐。。。

X（粗口都講埋）  
雨越落越大，唔想我走咁，但發現，落左大雨，唔痛啦喎～ 真係好憎秋天，唔該快快skip左秋冬，變返春天，多謝～