Monday, September 17, 2012

哇!師奶爆料呀

又係搭小巴嘅見聞,搭親都有野寫架真係。。。 一向都好怕D人長頭髮洗完頭濕廸廸咁出街,太烏where 亦怕人兩手戴哂水晶手鏈,總係覺得呢個無嚟信心,要借外物幫忙,仲要戴到兩手係,即係無信心兼貪啦 更怕人不停口講電話講足全程 今次嘅主角三樣犯齊 星期日中午,旺角至西環嘅小巴上。。。 喂,你做緊乜呀? 吓!瞓緊覺(以為佢會唔講啦,點知佢係唔理人要瞓,繼續講) 做乜仲唔起身呀? 啊!今日派成績呀,派完鬆哂,咁唔休息?(明明人地休緊,你嘈醒人,真係好意思問出口架喎) (跟住話題由八人地拍拖到中國反日示威事件。聽到原來對方現在身在廣州),繼續 你果邊好亂喎 我就唔信佢地咁好國情啦 又無錢派嘅 係呀,我呢邊有錢派架,唔係邊有咁多人吖 成日都叫我去架啦,每人有$300架,企頭位果D有$500,但係會比人影囉 阿邊個叫過我好多次啦,我唔去呀,一陣比人影呀 ﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣ (究竟呢位師奶參加乜野示威遊行會有錢收呢?我唔信係國民教育或者六四果D囉,你地話呢?)

8 意見:

maymay said...

我唔鍾意嘅野,呢位阿毛都做晒,仲要著條紅裙......短果隻添~@@

卡臣 said...

建制老臨?有啲錢真係賺唔到

Cat said...

最唔鐘意人地打電話第一句就問"做緊乜"。
"咪同你講緊電話囉!"

largeheadboy said...

企頭位有五舊?
下次再見到佢唔該畀我電話佢

Quincy Luk said...

技安音樂會

新鮮人 said...

師奶所做三種行為我好唔like,
不過難得你咁好心機慢慢聽佢講乜,
服左你,
係我就當耳邊風算了,
根本唔會浪費時間聽過講乜!

TY said...

原來真係有錢收既, 唔怪得之初初思潮係公眾地方籌集簽名初期, 有幾個阿伯企係另一邊拉塊banner支持國民教育啦!!! 憎呀!!!!

naruto said...

maymay:
人地腳長,你唔抵得呀?

卡臣:
我都無本事呀

Cat:
通常我聽到呢句,我會答:屙緊屎

largeheadboy:
你真係無鬼用呀

Quincy Luk:
有D演唱會真係派飛我都唔去呀,例如:黃X中

新鮮人:
er...我嘅聽覺對呢類聲好敏感,唔到我唔聽囉

TY:
維園果D可能都係

Related Posts Plugin for WordPress, Blogger...