南蓮園池半day遊

星期日，打完波，見到太陽終於蒲頭，攞相機影相啦喂！今次去位於鑽石山嘅南蓮園池


免費架，入面格局好靚㖭，好多大樹嘅樹種平時都唔多見架；最突出一定係位於公園中心嘅金塔，真係金光閃閃叫人迷呀!


幾年前開幕初期，比人話佢管理太嚴，一定要你行順路，不准喧嘩，唔比帶野食，攞枝水都唔得，比人投訴；事隔幾年，而家又點呢？

哇，可能星期日，多左好多family同埋一團團嘅內地遊客，點會唔嘈吖，但係食蕉有做野喎，見D龍友用反光板，佢都阻止喎

嚟到呢度，明明欄住唔比入，但入面都堆滿人，見阿食蕉姐姐入去趕客，內地遊客勁呀，可能唔識聽，完全唔理佢，擰“咩”面繼續傾，離遠見阿食蕉姐表情似發火，做埋動作趕佢地走呀；我當時諗起世博經典遊客打食蕉場面，以為會翻版㖭呀!


行行下，見到一個淺水池位，入面好多蛙呀，叫到好嘈；佢地又唔出嚟，你地又唔會入去攪佢，好神奇


入面有D小餐廳，價錢都合理嘅，但呢間，飲杯茶要$120呀，嚇到標X呀


影得唔多，揀左呢幾張放上嚟