一個人的麥當勞

心情唔靚，諸事不順。。。



1/近一年嘅工作，總係奇奇怪怪；以前我做freelance，接一個新客好容易就會keep到做長客，試過真係多到要推客，近一年嘅新客呢，無budget仲要諸多要求又有，間公司越做越縮又有，最近，甚至有間公司比週刋踢爆賣假野；另一個啱啱開始做就執埋笠。。。
攪乜鬼呢？

2/舊年有朋友叫幫手做下義工幫弱勢社群，上星期發覺真係夾唔嚟，溝通同步伐都唔同，而且真係影響到心情，真係唔想再做；已經諗清楚，寫埋呢篇會出個mail，我決定放棄

3/黑開有條路，行行下街突然條頸一痛，都未攪清楚，條腰好似又比野拮咁，攞高件tee，有隻疑似蜜蜂仔飛出嚟，第一時間睇下佢條尾，見佢有尾，啫係唔係針我啦，但真係痛架喎；隔左幾分鐘，見到三個位腫到好似五毫紙咁大，好在查左藥油佢又縮番

4/納悶心情一直唔走，想搵朋友呻下先發覺，有D唔得閒，有D唔想煩佢，真係唔知打比邊個，。。。

我決定再落街兼食飯，去左麥記食$20巨無霸餐，真係幾抵食；

但買餐時，個職員話：呢個餐無得加大換杯架喎

心情唔靚，真係想一野窒埋去講：(我幾時有話過要加大同換杯呀？）當然最後忍左口

個包點解每次都散修修架？



最後，隊埋杯雪糕，好似都幫唔到好多。。。


今朝，起身睇聖鬥士，有D得著。。。

冥王哈帝斯俏俏復活，雅典娜比佢捉左入嘆息之門，星矢等人為求雅典娜需要集合黃金聖鬥士同聖衣嘅小宇宙，發出太陽光去破壞嘆息之門

（原來我係星矢，要發揮小宇宙啦）