低級暴飛

高級嘅大家就食得多，低級嘅你又食過未？漢陽苑出名平價韓國自助餐，出名D人搶野食。。。

某一日weekday5:00pm，同朋友行行下旺角，突然話想食；上去𥄫下，原來5:50pm-7:00pm係happy hour，只收$98，仲有埋飲品

我地準時5:30pm入去，燈都未開；即開餐。。。


哇!好靜呀，好乾淨整齊，D食物全部滿架，無人爭架!

韓國燒肉每樣攞D，（1）金菇牛肉卷（2）牛肉牛骨肉豬扒係OK嘅，雞串同魷魚好得；（4）壽司就唔吼，但係（3）腐皮就點都要食兩件


我仲食埋紅腸呀腸仔呀青椒呀。。。


食暴飛走去食（5）咖喱魚蛋都幾好笑，但係我食喎，（6）牛肚食唔落，(7）大腸食左一件唔好食，特別推介。。。叮噹配音吖唔該（8）神奇龍蝦沙律，啱哂我，因為食完成碗都搵唔到一絲龍蝦，正


食左一粒鐘，飽哂，食埋呢個涼粉豆腐花＋椰汁糕，到頂啦，再食就XX啦


埋單加埋D茶位呀加一呀，原來都要$144一個架，都唔低級嘅，妖!

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
低級暴飛﹣番外篇

話說食左半粒鐘後，先有第二枱客人（一個中年男人）入嚟，佢坐左喺我地附近，都係D一邊係梳化，一邊坐椅嘅二人枱

隔左一陣，一個年輕女子入嚟，一見個男人就黑面兼用帶口音嘅廣東話同個男人講：都話坐卡位咯!

男：卡位係四人位嚟架，呢度咪幾好，攞野近呀；你坐梳化咪一樣

個女嘅嬲爆爆咁坐低後，即仆出去攞野食，攞左好耐，耐到我都燒完一輪兼食埋。。。

男：唔使攞咁多啦，食完再攞啦

女（嗌番嚟講）：趁少人，攞左先，新鮮呀!

我望過去，哇，真係攞左一座山呀!

我朋友聽完笑住話：全部都係雪架啦，新乜鬼鮮吖

﹣﹣﹣﹣﹣﹣﹣﹣﹣﹣﹣﹣﹣﹣﹣﹣

＄144睇埋呢場戲又覺得抵番D喎！


明日預告。。。。