我比個叻自己囉

究竟去唔去投票呢？
＊天水圍，好遠
＊來回要兩個幾鐘喎
＊車費來回要$4X，都幾貴
＊本來想投莊莊架嘛；新界西呢？陳偉業喎？我又唔係咁認同喎，睇下其他先，竟然發現有舊同事，但係怪人嚟喎！
＊今日plan左抺窗加做一個稿，去左做唔做得切呢？
＊有人話浪費公帑，我覺得放屁龍logo仲浪費公帑啦

睇星矢時段，得知投票率偏低，陳瑞麟又樣衰，又見星矢都打爛嘆息之牆，決定快快抺完窗，出發!

先食碗車仔麵醫肚，我決定由西環行去上環轉車，沿路影下相


行到水街，見到D離譜野。。。呢位盧㦤行區議員一個街口掛左11張bannerS，仲未計背面（按圖放大睇就知佢幾離譜）


睇下佢講乜。。。條路擴闊半米都邀功呀!果半米咪比你掛哂banner囉，行過西邊街，又係咁！可以掛咁多架咩？有無得投訴架？同邊個投呢？


搭長途車，搵左本舊書陪我，郁下個腦都好，估兇手啦!


途經葵涌碼頭，高達嘅機械獸出動啦


票站靜英英，鬼咩！平時民建聯會一車車咁車D阿伯阿婆過嚟，今次真係無哂囉!


跟住上車出番嚟，散散地，去左上環信和對面呢間舊到需要保育嘅茶餐廳；入到去，枱櫈係木做嘅，地下係花磚，最勁嘅係，無開冷氣，開風扇架，伙計廚師都係伯伯，好統一呀!叫左個蛋治同凍檸茶，味道非常一般


票就投左啦，盡左要盡嘅責任；寫完呢篇要開工啦。。。