舊相﹣蘇梅

04年一行七人去泰國蘇梅，一到埗朋友幾個喼
都比人開過，唔見左少量野，要報警，我果個我直頭無鎖，
反而無事。

其中一日去國家公園，划canoe，點知全部朋友都唔想去，
我唯有跟大隊，行下公園囉；導遊話公園有座山，可以行上去
睇馬騮，又可以上觀景台，但個個著拖鞋，得我有著鞋，
最後都決定去。。。

行到1/3，D路變窄又斜，有個鬼佬落山踢爆腳甲，我比膠布佢時
我嘅4個朋友(1男3女）決定唔上，返轉頭。。。

又行多陣，有個鬼婆喺我隔離跣住咁仆落去，我手快拉住佢背脊
件Tee，feel到”park”一聲，拉甩左某D野個扣㖭，好尷尬
佢猛講thank you，無話我非禮，梗係啦，唔係拉住佢，
實爆缸啦，傾左幾句佢叫我地唔好再上啦，好危喎；

但我地(2男1女）決定行埋佢，最後果段竟然要拉繩，個景係靚
但我無哂力囉

因為行得太慢，miss左午餐，去士多買D野補充體力，竟然得
汽水同薯片；食完節目係浮潛，結果係只有浮。。。
去厠所都腳軟啦，點潛呀!

蘇梅好靚，希望有機會再去啦!