小五係人生第一個轉捩點。。。
細佬出世。。。之後越嚟越失寵，為之後中學後期自閉嘅性格揭開敍幕
改名。。。本來跟族譜排“一”字輩，英文釋名直頭係yatming， 同富貴悶個主角一樣，但細佬出世搵高人改名，竟然連我個名都郁埋，無得”一鳴“驚人
第一次做班長。。。班主任搵我做副班長，以前最多做行長，今次升呢，正班長係農曆新年我老豆口中嘅”阿仔“，我地嘅友情都係由呢年開始
成績開始倒退。。。都關做班長事，原來好多野做架，兼且教學開始勁多英文，個底打得唔好，每況越下
貼堂。。。班主任兼教美術，我亦開始被發掘呢方面專長，美術功課由班房貼到學校大堂，無處不在
我諗比任何家長見到張咁嘅小六嘅成績表，都會以為個仔讀書會一帆風順，但之後果D。。。真係醜樣到你唔信，我都唔敢擺上嚟！
美術得C，OMG，最差果科！發生咩野事？我唔記得
.JPG)
13 意見:
唔做一鳴yatming，改咗做耳鳴yeeming呀？
貼堂貼到出大堂換得個C，老師應該好知你嘅興趣所在囉！
原來你最叻係聖經, 阿彌陀佛, a-men
老太當年趁我唔響hk，一鑊過將我d report card同校刊送晒去填海，嬲到我差d齙血管呀！
Leo:
真係改壞名，真係成日耳鳴
唔攞番張紙出嚟，我以為我美術高分架喎。。。定係C已經高分呢？
KennyT：
說來慚愧，會考連聖經都肥左
Fun：
邊個阿媽唔係架？我keep埋幼稚園架，而家都搵唔到啦
学术优点一个：是什么？ ;)))
CH Mak:
唔記得喎！可能個優點係靚仔呀
我小六果年又係全班有46人。
通常d阿媽唔肯丟野架喎，我個朋友要吼佢阿媽返鄉下，靜靜雞丟晒佢d收藏品(垃圾)喎~~
美術和勞作點解分開比分？
我估你都係唔多講野既人~ 你個操行有Excellent渦~
成績實在係太差，冇一個係A+!
maymay:
唔睇番成績表點會記得一班有幾多人呀？
你真係記得？
我老豆係掉野能手，乜都掉
Ellen老師：
美術真係畫畫，勞作係搵D雪條棍砌野，氣水蓋砌圖案果D
Ogake：
識左我咁耐都唔知我係文靜人咩？
阿ta：
我學校無A＋架
我點會唔記得，我個小學同學會叫"禮樂社"，依家仲年年有聚會架。
同埋當年我地全班考到升中試，好威，中、英、數老師同校長，分別請晒我地食飯、飲茶、睇戲、据扒，呢一世都記得。
英雄莫問出處
Post a Comment