金鈴﹣5（上）黑眼圈

第五次針頭啦！醫師又嚟摷我個頭，見仲未有毛出，但發現，白頭髮底部已經唔係白色，深色左。。。真係好消息呀

今次落左七枝針，施針期間，乘機問佢攞去黑眼圈配方，如下。。。

1／敷面用：白芨，白芷，白蘞，白丁香，白附子，當歸。。。。叫藥材舖磨粉(全部四分之一斤）約$120-$160，（我估應該好多），加蛋白敷上面，十至二十分鐘
但白丁香大部份藥材舖都無，建議去上環蘇杭街永和興／文咸街66號左右（唔記得名）

全塊面都敷得，眼肚部份除左藥粉，仲要加多塊青瓜

2/美白用：絲瓜去皮去籽磨爛＋茄子皮磨茸敷面二十分鐘

任務完成，講番個頭。。。

佢插左幾枝後話：哇!好多風，去過邊嚟？（插左針，針位頭皮發紅係個頭有風咁解）

我：噚日去過愉景灣啫

醫：好大風咩？成個頭頂紅哂嘅？

我：露天餐廳，但唔算太大風；頭頂痕，R唔R得？

醫：唔得，痕係因為D風出緊嚟，忍下啦。。。

我：吓！真係好痕喎！

醫：第五次應該出毛架喎。。。

我：會唔會日頭樽藥因為我食左躁，你叫我份量減半呀？

醫：係有關嘅，正常份量你補得滯，就要減，你而家習慣左就要再加番上去架啦

我因為想個blog多樣野寫，於是套料：你話拮頭頂隻針有隻勁D嘅，我又唔駛用住嘅，咩料嚟架？

醫：梅花針，一枝針有幾個針頭嘅

我衰多口：咁得意，可唔可以比我睇下。。。。

未完