Sunday, November 29, 2009

奉公守法/睇宮心計學爛gag

奉公守法

無參加一牌抽獎,一玩又中啦,今次係“奉公守法”戲票


無乜宣傳嘅一套戲,poster其實做得幾有氣氛,睇完套戲先知poster係已經點哂題,就係奸角鎖定目標,玩殘你。

之前無做功課,無睇影評,一路做先知原來幾恐佈,超緊張,剪接應記一功。後段玩緊一條大橋,觀眾會一路估邊個係下一個受害者,同邊個係幫兇。。。

結局雖然有D誇張,但我幾又鍾意喎。

ps:不過唔明點解戰狼300個男主角每套戲都要除衫架呢?

﹣﹣﹣﹣﹣﹣﹣﹣﹣﹣﹣﹣﹣﹣
睇宮心計學爛gag

今晚趕返嚟睇“宮心計”,

聽到飛燕講:娘娘,息怒

奸妃:息怒,息怒?叫本宮點息怒呀

我以為佢地講英文呀:Signal,Sjgnal,叫本宮點Signal呀?

﹣﹣﹣﹣﹣﹣
上幾集,三好老豆死

佘C曼突然爆粗,好激動咁話:“佢老味”。。。。哇!我突左一突,睇字幕至知,原來係“敂勞未報”;呢句好用,抄低第日用



﹣﹣﹣﹣﹣﹣
今晚,對白出左三次“波詭雲譎”,無第二個詞啦咩?咁深我唔識解,有邊個中文人解嚟聽下啦,唔該

17 意見:

13elle said...

我今日放工返到屋企淨係睇到後半集咋 :(

naruto said...

13elle:
TVB.com仲未upload今晚果集,你無得睇啦

lala said...

"佢老味"我都聽到,好正!^^

eric said...

Gerard Butler身材咁好,一定要除啦。賣點嚟㗎。

邪留丸~ said...

睇埋今晚...
無得睇lu...
不過我唔會上tvb.com囉
其實睇一次已經好夠~

naruto said...

lala:
知音人呀!樂

eric:
但除哂比人拉,係咪有意思架呢?

邪留丸~ :
咁我都唔會睇兩次

largeheadboy said...

尋晚睇咗少少,又好似幾好睇喎~

black lab said...

戰狼男主角好波咪要除衫囉, 賣點嚟架嘛, 而且佢自己亦都知自己嘅市場定位。正如阿權相佑、宋承憲嗰D好波之人咁囉! 哈哈!

naruto said...

largeheadboy:
最後兩集先嚟睇,唉!

black lab:
你咁講令我諗起某個blog主,又係成日除架喎

邪留丸~ said...

唔講唔覺...
講講吓
又好似真係有個blog主...
成鬼日都除架喎...



@~@

naruto said...

邪留丸~ :
咁啱嘅,hehe!

Ellen老師 said...

“波詭雲譎”呢4個字1齊遇上,好難讀喎!

naruto said...

Ellen老師:
終於有人啋我呢四個字,但你係老師都唔識呀?

Ellen老師 said...

老師唔係樣樣都識呀!老友!
今晚,聽金鈴講得好順口,聽日返學校查下先!

xiao zhu said...

"敂勞未報",真係笑到我爭啲跌落地呀!

"波詭雲譎"真係出左三次咁多,我一次都冇聽到嘅!係邊段戲架?

naruto said...

xiao zhu:
大結局都講左一次,金鈴又講, 三好又講。。。

後宮從來都係爾虞我詐,波詭雲譎嘅地方。。。

卡臣 said...

我miss了這電影
但都無衝動翻睇

Related Posts Plugin for WordPress, Blogger...