佢講左一句：你個樣，你把聲，同blog入面嘅你差咁遠嘅？
我：你覺得有乜唔同呢？
佢：我以為會低能D。。。
m...咁嘅，blog入面嘅我只係一個形像，要維持呢個同真實性格南轅北轍嘅形像真係好辛苦，今日，唔理形像，做番自己，帶大家睇下我真實嘅一面
星期六，多愁善感嘅我一見到個天D雲咁靚，就走去海運大廈嘅停車場影下相，吟下詩；見到香港咁繁榮，突然諗起普選嘅問題，心煩
見到天空一片一片嘅雲霞，又諗起魚生同龍蝦刺身，每日都有好多生命落入港人口犧牲，心都UP埋
影完相，入場，睇乜呢。。。。。係呢個﹣香港芭蕾夢團三十週年節目﹣冬之舞樂祭
單靠肢體語言加燈光音樂要觀眾明白整個劇情其實真係幾難，尤其對住我呢類門外漢，始終對芭蕾夢認識只來自漫畫﹣舞吧！昴，書入面嘅描述，另我對群舞特別有興趣。
第一場，特別多群舞，18個女史，三個司掌，一個尚宮，為上位爾虞我詐，最後皇上同大家一鑊熟，呢場，我拍爛手掌
另外發現，現場除左多外藉觀眾，仲有好多高猛人，我隔離嘅闊太，手上嘅鑽石大粒到吖，成個十蚊銀啿，熄左燈都閃到我，勁呀!
最後要補一句真心正經嘅，真係好值得，好值得睇，最平嘅飛$120,真係好過去睇2012或者走音歌手演唱會。十二月嘅表演節目﹣胡桃夾子，預我
http://www.hkballet.com 詳情請click入呢個網址
未完。係呀，有續集呀!
.JPG)
15 意見:
恕我直言, 其實我都覺得你係行低能路線
做乜突然咁多愁善感?
哎吔典解我會泥咗呢個卜架呢？借問聲先生有冇見到鳴門呀？
我覺得你係感性界別﹐ 雖然又可以幾低能下﹐ 但係低能得o黎 又 有 D o野o甘 囉。
Um ~~ 我認為果位 blog 友未睇清楚你 ~~~ 哈哈 ~~~~
想借問聲. 未睇清楚既意思係.
未睇清楚個blog? 其實佢個人好正經
定係未睇清楚個人.. 其實係好低能呢??
haha
你諗住同霍生爭做文化界既候選人呀?
霍生做體育界喎，如果同佢爭，最多咪係睇肉界。
13elle：
人係有幾面嘅！今日放左個多愁善感嘅出嚟
Leo：
鳴門？聽日返嚟
KennyT：
幫你撮寫左。。感性得o黎 又 有 D o野o甘 囉
supageti：
你講Leo呀？
WWW：
其實係。。。感性得o黎 又 有 D o野o甘 呀!知無？
Ogake／Tat：
厠文化界
WWW：
其實係。。。低能得o黎 又 有 Do 野o甘 呀!知無？哈哈 ~~~
www:
意粉咁話你喎！
咁橋我上個星期六黃昏個陣
都影了一張雲霞相片
Tat:
霍生係做 "體育、演藝、文化及出版界"架, 所以都係要爭~
胡桃夾子要買一千蚊貴賓飛喎~
人有好多方面嘅性格
無乜咁特別啫~
卡臣：
星期六嘅雲幾特別，薄得嚟一層層
largeheadboy：
爆哂咩？
邪留丸~：
咪就係特別正囉!
Post a Comment