金田一少年事件簿之水草＊突然失踪

魚缸一個月前買左一棵水草羅漢茜，跟住因為比較忙，每日只係餵飽D魚就再無理

隔左幾日，成棵羅漢茜唔見左，我懷疑自己唔通大意到換水時唔覺意掉錯都唔知？

但係我係魚缸底搵到紮住水草既橡筋一條，點解呢？

於是我又過買一棵水草，今次知原因啦。。。。

除左養魚，魚缸仲有一隻黃金鏍，佢仲生左十隻仔㖭，原來佢地除左食青苔，仲食水草，仲要超大食

做個實驗先

1。阿媽喺屋企試過，佢用菜芯，我得黃芽白，摵左一片


2. 24小時後，最多見過八隻同時食緊塊葉，睇嚟好鍾意食黃芽白喎


3. 48小時後，差唔多食哂呀!勁呀!


4.又過多4小時，聽日要餵過第二塊啦