金鈴﹣2

個標題上次set左做金鈴，唯有繼續用，但如果變連續劇，寫到金鈴9，我諗到時都唔記得金鈴係乜水

講番正題，其實睇中醫既原意係調理身體加增強記憶，好似早幾日一翻風，我就鼻水長流，對眼吹風又好痕，夜晚訓覺又凍醒，加埋甩頭髮，決定試下一舖清。。。

除左施針，要食藥粉（早晚各一杯），一星期食一次芝麻糊，合桃糊（未食），每日食少量合桃，隔星期自己煲雞骨草加金錢草，川弓魚頭湯(當然未食），最好食D冬蟲草製成品(無錢買）

剩係食呢堆野都飽啦，仲駛食飯既？

上星期六施第二次針，今次鎮定D，影埋相；係咪好驚嚇呢？


但一插鼻果枝，鼻即刻收水，再插一枝，舊痰無左，好神奇

要等十五分鐘，其間講到金鈴施針施七分，咁我而家幾多分呀？點為之一分呀？

佢比枝新既針我睇，
醫：呢枝叫四分針；
我：哇，咁長既？插幾多落架？
醫：夠鐘，“蚊”番出黎你睇，頭果段差唔多插哂，四分即係尺寸果個分，有咁多架
我：呆左兼腳軟左一野，乜唔係插幾mm架咩？有頭骨格，插得咁入架咩？
醫：唔係直插，斜插架
我：乜穴位唔係一點架咩，斜插？
醫：唔係插穴位架，係插反射區

佢再補充，佢話會即時無咁怕凍(真係？）記性又係即時改善，頭髮一定救得番

講到咁肯定，我一定會跟足你個食療單配合既。寫既呢日真係一滴鼻水都無，剩係聞到空氣有陣凍腥味，有D刺鼻