咖哩飯

想食咖喱，諗起呢篇。。。假期有無朋友陪我食咖喱呀？

嚇人廣告

我睇廣告見到Ｄ醜樣嘢會避開唔睇，拎"咩"面，𨍭台甚至熄機，你地會唔會咁架？

呢兩個唔算太嚇人，睇得好開心㖭！我覺得Ｄ演員好正，桶蠔精彩演繹，應該比個奬佢。。。不過實比人投訴
（李派林）


加埋切腸鏡頭，咁大胆，死硬啦！


....................................................................
正題啦
•呢個嚇人
最鬼僧呢系列廣告，水準倒流七十年代，仲人賣夜賣，政府最鍾意蹝立稅人錢


•呢個嚇鬼
電視始終係娛樂，駛唔駛咁真實呀！我怕“醜“架


•呢個嚇到我唔敢睇
搵件"娘娘"蛋散跳嚟跳去，段copywrite唔知想點，由早上九點到下午每節時段都賣，咁死有錢嘅

wallpaper

每次去旅行都會將開心時刻拼成wallpaper，一開電腦就見到，延長開心感覺

喀比


箱根


大阪


立山


廸廸尼


長洲


倫敦


唔知下張wallpaper會係邊度呢？

爛歌金曲鬥一番。。。第十回

聽歌最高境界。。。聽爛歌，都嗌ENCORE.


上回慘敗，輸咗都唔知衰喺邊；ogake收藏大量不知名80-90's女歌手CD,（咁嘅興趣都有，覺得自己收藏文具真係好正常），拎女歌手出嚟，死硬，改策略，派隻咁多回合以嚟最新嘅一隻，07年出版。。。滅貧的故事


假音人陳浩峰曲詞編唱，主題本來好有意義，但靠佢帶動滅貧信息，只會聽到嘔血，越聽越貧（血）


歌詞：留意紅字，攞分位；(滅了我吧呢四個字好夠難聽），填詞出現"賣淫"都係第一次見


快D睇埋ogake出咩爛歌，但係要投我票

一個人行山

星期五晚去咗大圍借宿,第二朝早起無嘢做,落街食早餐.
喺附近行個圈見到條小徑有個電塔,走埋去影相

好少見市區有電塔,仲要冇嘢攔住,影番張大圍電塔下gugu


越行風景越靚,問行山阿伯條路去邊,行山阿婆搶答："可以上望夫石架“；有D猶疑,因為無帶水,仲tart拖添



我好勝,直上。沿路好多馬騮,所以見途人都有枝捌仗做武器,佢地真係好惡,識得凶人架


終於上到頂,好口乾,隻腳損埋



今日相簿

打開信箱


枯葉


樹根


種子


樹頂


野花


棘杜鵑


紅棉


森林


馬騮三級寫真



ps:睇blog人數自11月自今突破10000,千個謝;到20000駛唔駛著泳衭慶祝?

08中奬第三回

又中戲飛啦！
今年戲飛抽奬遊戲寄四字中三次，係真係咁好彩，定係無人參加呢？
之前中PS: I love you, 誘心唔怕遲，到今次（迷失愛與罪），兩大甩色型男主演，應該好睇啩！
Ewan Mcgregor前作Isalnd係我喜愛電影之一,對呢套都有D期待...唯一担心個導演Woody Alan

ps:抽唔到嗰套反而係興趣不大嘅（軍雞)
---------------------------------------------------------
觀後感

我只鍾意睇商業片,仲要拍得靚,主角晤靚我基本上都評為爛片!另外,奧斯卡亦係我嘅另類指標,(奧斯卡得獎名單=唔駛睇名單)

今年睇咗五套戲,爛片佔多數;
好片:PS:I love you,美指攞好多分


爛片(小爛):誘心唔怕遲

劇情聊聊地,笑料唔好笑


爛片(中爛):Mist

呢套同朋友有分歧,佢地覺得係好片,我就完全唔投入,攞戲嚟做

爛片(大爛)::異獸戰2

諗住最後一埸會好勁,點知見到兩隻cosplay隻揪,*&##%%^

爛片(特爛):迷失愛與罪
時光倒流好70年代D舊片,woody alan果然勁,剪接散,劇情爛,美指罷工,配樂幾乎無,D演員講哂D對白就得,完全唔駛連戲,....奧斯卡應該會鍾意呢套戲


我今年嘅金草莓名單好快爆滿

完

自製怪胎Panini

喺巴黎食過Panini,非常好味，番香港見Italian Tomato有得食，試吓先。。。唔多掂，壓唔實，散修修.


試吓自己整，用架三文治機壓平法包及材料；




點知，整咗舊怪胎出嚟！味道都OK嘅，但完全唔似panini.



有無高人知香港邊道有得食？