港台LENS攝影比賽﹣下

上到台，話緊張又唔係，但係好唔自然。。。

宣佈五月最佳圖片時，覺得有D希望，結果，我朋友得到，一嗌佢個名，我就已經覺得玩完，等收工。。。

到頒七月時，我直頭唔記有份囉。。。因為我認定有張贏硬，超哂班；

結果公佈時，因頒獎嘉賓企正我前面，我見到佢張”得獎名單“，咦！我個名？

用，同一時間，佢就讀左我個名，我”吓“得仲大聲，跟住O住咀行出去，佢握手我就去攞獎，佢比獎我又去握手，亂哂籠。。。

我張得獎相。。。獎品係電器禮券$300，唔使食白果啦：）

跟住，司儀講乜我都聽唔到，儍儍咁。。。

六個月嘅得獎相。。。呢六張會再選三甲

跟住頒季度三甲，我仲掛住傾計，當宣佈季軍時，叫我喎，我嘅反應又係：吓？我？

再攞多$500禮券

睇下三甲作品，真係唔同班架，人地高好多囉。。。

多謝minor幫我記錄左得獎唧一刻，雖然成個儍佬咁



攞完獎，你估我做乜？即刻去左百老匯，拎左舊年用剩嘅禮券＄1000（到係贏返嚟），加埋今次$800，去左買洗衣機，yeah~~~