編排旅行行程係樂趣？

機票攪掂，跟住到酒店啦

上星期，公事忙，斷斷續續咁問意見，上網睇blog，摷料，終於大致上落實

星期六晚，最得閒，上網book啦，淨係登記做會員呢個step已經開始開脾氣

打比隔離台老師幫手，幫我釋左個片假名嘅姓名，咁就開始順利啦（以為）

去到最後一晚住札幌，想訂果間無位，搵其他酒店啦，全札幌竟然得一間有位，但貴左4倍

又搵老師求救，佢都唔明，佢教我貴都book左先

我摷下美瑛嘅酒店，又正常喎，於是諗調行程

攪到一點至瞓，第二朝六點幾就紮醒，瞓唔返，於是又book過

終於最後一晚住小樽，我本來話未必去嘅地方，但搵到想去嘅景點兼平靚正酒店，扑鎚

邊個話編排行程係樂趣架？

最後想講，上網查最後果晚發生乜事呢？不是假期，基本上無花睇，無紅葉，未有雪，係淡季，攪乜呢？

最接近嘅我搵到中日交流會，唔知關唔關事呢？好交唔交，仲乜交去北海道呢？