三隻不和的貓

三隻野，阿仔見貓就fea，即使係阿妹，互fea程況嚴重，但佢地識自己喺廰分配位置，不過似係阿仔避阿妹多D 

達仔呢，我要佢跟住我，我喺書房做野就關門，瞓覺就迫佢入睡房，盡量唔比佢地“交手”。。。 

好幾次，達仔一出去，阿仔就fea，我都分隔佢地，但今晚，睇漏眼之下，比阿仔入左房，我趕佢出廳時，唔為意達仔已經快過我，追住阿仔一野爪埋去，實爪中啦，阿仔又fea到癲，我趕返達仔入房後睇下阿仔有無損，好彩無事，全靠我早兩日幫達仔剪左腳甲，好彩。。。

睇下相，阿仔輸哂謝哂皮，我呵返都無用；唔好以為阿妹好溫柔，對住達仔，惡樣盡現，fea fea fea，達仔走開，佢又擺出一副無辜樣。。。

預告：今朝其實發生左件大事。。。唔見左阿仔，最後要叫佢老豆幫手，而我攰到無左半條人命，今晚無力寫（仲要開工），聽日寫