Friday, September 27, 2013

三隻不和的貓

三隻野,阿仔見貓就fea,即使係阿妹,互fea程況嚴重,但佢地識自己喺廰分配位置,不過似係阿仔避阿妹多D 

達仔呢,我要佢跟住我,我喺書房做野就關門,瞓覺就迫佢入睡房,盡量唔比佢地“交手”。。。 

好幾次,達仔一出去,阿仔就fea,我都分隔佢地,但今晚,睇漏眼之下,比阿仔入左房,我趕佢出廳時,唔為意達仔已經快過我,追住阿仔一野爪埋去,實爪中啦,阿仔又fea到癲,我趕返達仔入房後睇下阿仔有無損,好彩無事,全靠我早兩日幫達仔剪左腳甲,好彩。。。

睇下相,阿仔輸哂謝哂皮,我呵返都無用;唔好以為阿妹好溫柔,對住達仔,惡樣盡現,fea fea fea,達仔走開,佢又擺出一副無辜樣。。。



















預告:今朝其實發生左件大事。。。唔見左阿仔,最後要叫佢老豆幫手,而我攰到無左半條人命,今晚無力寫(仲要開工),聽日寫

7 意見:

Tat said...

好精彩呀,呢套西環三隻貓好睇過日本個套三色貓呀,聽晚要準時發放喎

naruto said...

Tat:你黑心

chiseenjai said...

一開門走左出街?

best actor said...

好似武俠小說裡面華山論劍或仇人見面。

Ebenezer said...

家變?

ayclui said...

亞仔好可憐...佢一定以為主人唔要佢...匿埋喊...

naruto said...

chiseenjai:唔係呀,估都做唔到嘅事

Ebenezer:巨輪啦,仲家變

ayclui:今日下晝佢振作返,肯走出嚟啦

Related Posts Plugin for WordPress, Blogger...