Tuesday, May 7, 2013

Naruto x 卡臣 crossover 之六點半新聞報導

呢一篇係同隔離台卡臣合作嘅新嘗試,每人出三張相,跟住組合成一個故事,先睇下我嘅老作。。。

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
以下內容純屬虛構,兼可能令人情緒不安,及帶有暴力,敬請家長留意 

do lu do lu do lu do lu do lu
大家好,而家係六點半新聞報導。。。 
先睇下“重點新聞”。。。金價下跌遇上五一黃金週,香港金舖未開門已經堆滿遊客,未到中午乜金都賣野,金莎都無埋;有議員建議仿效限奶令,每名過境旅客限買八両金 

又有內地旅客投訴旅行社,話賓館貨不對版;佢地喊哂咁話,因為旅行社嘅宣傳單張出左呢張相,令佢地以為唔使帶傭人嚟香港喎,嚟到先發覺無工人用,老婆崩潰,個仔通街瀨屎都無人理喎,要求賠償一億,民賤聯舉腳贊成  

跟住係”中華掠影“。。。上海爆發H7N9,有民眾發現呢個訊息廣泛喺社區流傳,引嚟非議;原來訊息教人以毒攻毒,食多D雞就唔會有禽流感咁話喎,又真係有好多人信,D雞一日之間賣到斷市;
我地去查問過,原來只係雞販因為雞滯消,於是放出呢個訊息喎;
毛記電視記者許B婷喺上海嘅報導
 

消委會測試一堆標榜健康排毒嘅產品,發現部份廣告失實,有中醫師呼籲民眾不要盲目服用,後果嚴重。。。
 

以下係一個服用後嘅例子,何小姐上晝服用左XX膠囊後,下晝肚痛,去廁所時排出大量黑煙臭屁,終於自己都頂唔住,喺廁格焗暈左,到比人發現嘅時候已經係晚上,而家情況嚴重。。。
 

又到“周末闖蕩”嘅時間啦,睇下女主播今日會帶我地去邊?喂,主播,喂。。。 
(停兩秒)er...女主播同佢上司。。。開緊會,今日嘅“周末闖蕩”暫停一次,下週再蕩過,byebye


今日嘅新聞報導完畢,晚安
--------------------------

記得過卡臣度睇下用同樣材料,佢炒碟乜野餸出嚟:)

11 意見:

卡臣 said...

好嘢! 我認輸了,真係用得好好,輕鬆之餘又有信息。果然係做廣告,一針見血,佩服!

Ebenezer said...

原來係唔只一個故事。

Anonymous said...

城大既創意媒體學院好適合你......

江湖散人

l.minor said...

好野,作故仔都有一手

佛爺 said...

放屁出黑煙咁勁!嘻嘻!

世純 said...

呢篇夠抵死,每一幅相都有一個笑位,仲好貼近時事添。 :)

naruto said...

卡臣:我想玩多次,hehe:)

Ebenezer:分散投資一向係最穩陣嘅做法

江湖散人:明明係模特兒學院啱D

l.minor:作廢野呢,一向都強嘅

佛爺:風月版都可用呢個gag架

世純:講近期D,共鳴大D嘛諗住

奕山 said...

真係笑中有淚,謝謝分享:-)

largeheadboy said...

廁所真係有黑煙噴出嚟咁勁
何小姐果然係食錯野

ayclui said...

用新聞報導手法串起幾張無關連嘅照片, 好!

naruto said...

奕山:多謝你光臨就真

大頭:我覺得你都會囉

ayclui:好辛苦至諗到呢條屎橋架

Related Posts Plugin for WordPress, Blogger...