先腥你好

相信大家都會接過D廣告電話，通常都係問你有無咭數，減唔減肥之類 

又，相信好多人都會見到無來電顯示就唔聽，又或者見到3字頭都唔聽，但係我D客真係3字頭電話號碼，又真係唔敢唔聽囉 

我就好體諒佢地嘅，大家都係搵食啫，總會客客氣氣話唔使，跟住即收線唔同佢地糾纏 

但係都希望佢地都要敬業樂業D囉，有D講一大堆野都唔知講乜？連公司名都講唔清楚

有D鄉音都未改，又要講得快，又係唔知講乜

有D呢，好似唔預有人聽咁，比哂時間佢講，佢都窒哂口無準備咁架喎

最近接到兩個好騎呢經典嘅廣告電話。。。 

1／
女子：先腥你好（停一秒），我地係。。。（停一秒，兩秒，三秒），跟住係嘟嘟嘟嘟嘟嘟嘟嘟。。。。。。。
我：喂？ 原來收左線，究竟我地係乜野呢？攪到我囉囉戀左半日

2／
女子：先腥你好
我：你好
女子：請問你係咪柯XX女士呀？
我：。。。
（我個名嘅英文繹音係有D似女仔名嘅，但係你都講得出先生你好啦，帶個腦返工好唔好？）

最怕同D無帶腦嘅人溝通～