Sunday, August 26, 2012

煩客

喺呢個經常出現嘅記者妹呢,而家開厨房開班授徒㖭啦,但係佢做野亂咁嚟嘅作風係無變嘅,仲越嚟越亂㖭

之前最憎佢半夜打電話嚟問野,自從鬧佢兩獲金之後(係呀,鬧一獲之後繼續呀竟然),而家無啦

另外佢最拿手攪到有咁亂得咁亂,佢會將同一份job嘅資料,呢個email send兩野,果個email send兩野(我有兩個email account),電話講三野,sms 加多野,結果我想摷資料辛苦過做設計。。。呢個都直接係我唔想開whatsapp嘅原因,因為我知咁即係會再多個平台比佢求其掉D料過嚟

但呢個世代唔可以無whatsapp架嘛,結果比佢發現我有whatsapp,前排佢竟然喺10分鐘內連環send左17個,但係打嘅野一個好簡單嘅mail或者電話正常人兩句都可以講完

早兩日,早上我send左幾版新嘅網站設計過去,跟住佢打嚟,傾完幾版設計有乜要改動後。。。

煩:呀,你仲有幾版未做喎?

我:你比嘅料我做哂架啦喎

煩:等我諗下先;呀,product果版未做呀你

我:邊版product,做咩野架?

煩:唔知呀,我都未諗

我(谷哂火但心平氣和聲):咁叫做我未做呀?

真係火都嚟埋呀


11 意見:

卡臣 said...

好麥兜呀佢

Anonymous said...

只可以講,辛苦你喇。。。
大叔,做邊行都有難處。
你起碼都可以鬧佢呀。。。
=~=


邪留丸~

naruto said...

卡臣:
你講個樣呀?

邪小姐:
唉~

Quincy Luk said...

好憎人send連環message,明明可以一段send晒過嚟。

Btw咁你句「間中會check」係咪就係關呢樣嘢事?

新鮮人 said...

佢都幾搞笑喎。

naruto said...

Quincy:yes

新鮮人:我笑唔出

Cat said...

好似無啦啦搵野同你講咁嘅
佢係咪暗戀你,想俾你鬧呀?
哈哈!

best actor said...

佢好似冇邏輯呢樣嘢咁噃,點生存嘅呢?戥佢老公\男友\朋友\屋企人\老細\同事辛苦。當然大叔係受波及嘅一份子。叫達仔親親嗲啲補下啦。

naruto said...

Cat:
詛咒嚟架?

best actor:
我周圍總係有呢類人,我開始覺得同自己有關

best actor said...

你可能係香港八怪嘅磁石。

naruto said...

best actor:
好陰公呀

Related Posts Plugin for WordPress, Blogger...