海洋公園遊記﹣下篇

上集講到,搭海洋列車上山，上到去，因為時間尚早，個個剩係上，無人搭，咁就唱反調啦，即刻再搭落山；包車呀～yeah

落山，跟住搭吊車再上山啦；呢度對我嚟講係有個陰影嘅！
話說當年中四，學校搵人做義工，我去幫手；主要係帶小朋友遊海洋公園；小朋友有三類，一。行動唔方便；二。智力有問題；三。父母出現問題，需暫時寄托孤兒院；咁我呢D無經驗嘅就梗係第三類啦。
我地三個義工一組帶住三個細路，但我果個完全唔肯講野；直至到搭吊車。。。

頂，架吊車喺最高停左超過20分鐘，好大風，架車搖得好勁，其中一個細路嚇到喊哂，我地做大嘅又要強裝鎮定話：無事嘅無事嘅，好快行架啦。。。跟我果個終於開聲話：我好驚呀，哥哥；我想話：我都驚呀～
故事講完。。。


跟住搭觀光塔，開始多人兼熱啦；排三個字，只係搭三分鐘


以為睇下海狗會涼D，仲熱，入面嘅冷氣仲唔凍㖭


跟住玩左太空摩天輪，fing完仲衰，有D暈車浪feel，決定去食野
麥記呢間係無套餐架，貴之餘仲無位，D遊客坐哂喺地食，好難民feel，最後好彩搵到位，抖番陣


食完野兩點幾，去麥記隔離嘅海洋館，一入去就慘啦，嘈到震穿耳膜，D人咁大聲做乜呢？


呢班新移民，霸左以前鯊魚館，但真係唔吸引囉!最少人就係呢個館；門口有兩條乾貨，係咪之前客死異鄉果兩條呢？（我建議比番大陸啦，唔好睇嘅！阻“訂”）


跟住水母館，都係嘈，好少少啦


跟住呢，機動遊戲啦，海盗船壞左(咁多野壞嘅？），跳樓機雖然唔夠高，都好過無啦；最正係個英文名，叫ABYSS，即係”亞咇C“，玩完嚇到你咇C；越礦飛車，正；滑浪飛船，都正；飛天鞦韆，啱D細膽嘅玩多D


跟住去到夏水禮，本來帶定衫想sir滑梯，但已經6:30pm兼見地方淺窄，都係唔玩，影幾張相走人


完


預告：聽日仲有四篇真摯感人嘅番外篇