Thursday, July 22, 2010

童年陰影

自細就鍾意睇電視睇卡通,極度沉迷三一萬能俠,黃金俠,大鐵人。。。


早前提過,細路仔時老豆興一年半載去一次太白海鮮舫食飯,而每次搭車經過華富邨隔離嘅呢兩座發電塔,小則dup低頭打冷震,大則喊到拆天;原因其實係覺得佢似機械人,尤其係似三一萬能俠


而家睇番件事,知道自己細細個諗野條curve都已經係亂嚟,唔怪得讀唔到書啦;唉!

13 意見:

馬田亨 said...

大叔細細個已經與眾不同....

largeheadboy said...

細細個見樓下塊空地有日有塊板話係政府官地,我以為係放棺材嘅,嚇到我喊咗成日,依家都仲有陰影呀!

supageti said...

樓上有無細膽啲呀?我細個時最鍾意上魔鬼山捐棺材窿玩捉衣因 ~~~

我最大既陰影係睇左《大白鯊》之後唔敢再落海 ~~~ :(

naruto said...

馬田亨:
細個已經係記影像,記唔到字

largeheadboy:
你番工果度都係政府官地嚟架呵?開下D士多房,咁格睇下有無發現。。。

supageti:
你識游水架?

卡臣 said...

細個搭巴士上山頂
路經司徒拔道頭的AIA Building
大廈外型前衛
哥說是太空基地
我照信無誤
每之經過
都留意有無UFO降落

naruto said...

卡臣:
比人整蠱喎,佢有無仔女?整蠱番佢D仔女

maymay said...

"比人整蠱喎,佢有無仔女?整蠱番佢D仔女"
衰得你吖,笑C我呀!

我細個跟阿哥家姐睇左套電影,有隻超巨型八爪魚怪响海度捉船上面嘅人來吃,從此就驚水,最怕搭船,驚有水怪~@@

ayclui said...

童年陰影: 細個時睇芝麻街,最驚果個紫色吸血彊屍,眼尖鼻尖, 出親o黎都行雷, 一見到就喊到唔收聲...:(
到依家見到佢都仲係怯一怯呀~

naruto said...

maymay:
水怪都未驚你,你驚乜呢?

ayclui:
講起果隻又真係有D恐佈

kateyip said...

細時聽左好多鬼故都話戲院女廁有鬼, d廁所又么咁大間喎, 每次去睇戲都一定會急, 但又怕叫朋友一齊去會俾人閙...好驚但都要自己去,近十幾年都無去廁所...呀! 唔係,係無去戲院 lu~~~~ 唔知仲會唔會驚呢~~~~ :p

卡臣 said...

呃佢啲仔女
中銀大廈其實是一支雷射大炮

l.minor said...

又真係似喎,你嘅聯想力果然豐富喎!

naruto said...

卡臣:
中銀大廈,我覺得似𠝹刀

l.minor:
豐富得滯

Related Posts Plugin for WordPress, Blogger...