去吧～清境。台北。烏來 私遊記﹣第二day

6月4日，5:45am起左身；出去睇睇，不得了，奇蹟繼上次輕井澤又嚟啦，即刻攞相機出去狂影。。。開心到彈起

呢張相背景加水珠經陽光折射，靚到不得了


同一個花園，今日靚好多～


出去後山行個圈，咁先至係台灣嘅“小瑞士”吖嘛；落完雨，D空氣清新到聞到草味同木味


對住咁嘅環境食早餐，食乜都好食。食完早餐，就離開蕓蘆啦


老闆車我地去清境農場﹣清境嘅最大景點，個天靚成咁，點影都靚啦，但係太陽真係好猛，下次嚟真係要搽太陽油（清境農場入場費NT$80)


農場本來有羊咩同你近距離接觸，但因為台灣爆發羊荳，所以無得攬啦，離遠睇下算啦!


沿住步道向山下行，經個小瑞士花園，見外觀一般，突然大霧兼時間唔夠，決定唔入去；改去小商場，12:30pm，預早約好嘅接載小巴準時嚟到接我地出台中高鐵站啦（接載小巴，每日得一班，NT＄300）

清境春天可以賞櫻，冬天又會落雪，值唔值得再嚟呢？


台中站食過簡便mos burger，即搭高鐵往台北，全程50分鐘（高鐵NT＄700)

轉的士到達喜瑞飯店，真係幾靚喎～不過3:30pm都仲要等執房又真係慢左D


間房算係大，呢間係商務客房（兩小床），原來張床真係小喎！（NT＄3300）


“旺味“就喺飯店附近，行去醫肚先，湯底好濃好好味，但偏肥膩（NT＄240﹣長安東街2段40號）


行去華山文化園區，落兩啦，仲越落越大，行過圈走人；落雨，去誠品算啦!


到西門町，雨時大時細，食左碗出名嘅楊桃冰，我覺得難食囉!行完誠品，想搵一間幾年前食過嘅牛腩麵店舖，終於，行哂成個西門町都唔見，搭的士走人（楊桃冰NT＄80）


番到喜瑞，幫趁佢隔離嘅晴光意麵；特別推介乾麵同鹵水豆腐，好好食



食完番歸，睇完超級星期天（但係明明係星期五），瞓lu

特別名謝：
旅遊達人意粉同Ellen老師提供清境資料
為食達人largeheadboy推介旺味拉麵

第二day 完