去吧～清境。台北。烏來 私遊記﹣第三day

6月5日，今日預計行程去菁桐＋十分；因為火車8:24am台北火車站開出，預早8:00am前就到達車站買飛

去菁桐先要搭火車往瑞芳，再轉懷舊火車；既然鐵路遊，梗係派出鐵道員快獸做導遊啦!


雖然菁桐＋十分嘅大賣點係放天燈，但其實我主要係比呢架火車吸引；

去到菁桐，雨越落越大，最靚係個車站，木搭架!

喺車站最多人嘅出入口見到呢隻全全身濕透嘅草猛，我幫佢改左名叫菁菁，將佢捉埋一邊，唔係實比人踩死（原來嚟菁桐主要係救你，好玄）


原來成個景點得十”零“間舖，好快行完；入嚟呢間“楊家雞卷食野兼避雨；見到張”煤礦博物館“嘅海報，有小火車搭，老闆話位置喺十分，決定去馬


去十分中途，大雨到落狗屎；諗住去博物館應該係醒目嘅選擇，博物館點都有蓋掛!


點知露天行左10分鐘至到門口（dup到隻狗咁），去到只係見到間屋仔賣飛，原來仲要行上山10﹣15分鐘至到個小火車車站，仲要我地行快D，因為就開車，呢10分鐘就真係難捱啦；D水多到由山上湧落嚟，幾百級樓梯，大部份無蓋，全身濕哂；喘哂氣，暈～(入場費NT＄200）


上左呢架以前真係運載煤礦工人嘅"獨眼小僧電車“，“櫈”到獅狒都嗌痛，10分鐘終於到博物館(係呀!而家至到有蓋嘅博物館呀）
喂！正喎，有礦洞又有運煤嘅鐵路，連個厠所浴室都係同以前一樣，無嚟錯喎


大力推介呢個地方，拍MV一流呀。。。。呢張係我成個trip至愛相片


博物館有導賞員，問佢附近有乜好食，佢推介呢間位於瑞芳嘅”保雲“
招牌菜頭滷﹣豬紅＋蘿白＋魚丸，不可不食；因為好食，越叫越多～


跟住番酒店沖涼，因為太大雨，連士林都決定放棄，決定只係喺附近食過簡易餐，跟住番房睇“星光大道”。。。


腳行到好痛，浸左個超熱水浴，跟住瞓lu～

究竟幾時至停雨呢？