夜半一吻

噚晚做到好攰，近一點撻落床，呢個星期舖番𥱊，唔使冷氣都好快瞓著。。。


半夜，痕醒左；因為開左窗，有蚊針呀，起身搽哂油都瞓唔番，無幾耐，日出啦～

原來而家5:00am已經日出架啦!


起身上下網，見到華橋城單野；噚晚開夜工已經聽到個客講，但番屋企又miss左新聞，今朝至知真係咁大鑊

6:30am，落街食早餐啦；茶餐廳有電視，頭條當然都係佢，見D街坊個個𥄫住個電視，跟住議論紛紛，一D又話去過；一D就話咁拋出嚟點會唔死吖；原本好靜嘅餐廳突然變左城市論壇，隔住幾張枱都照傾，連D侍應生都搭嗲，全人類停手兼停口唔食野；我以為去左18樓C座呀真係！

去7仔，原來7:00am仲未出新雜誌架喎！

攞份AM730報紙，竟然隻字無提華僑城，唔通係佢嘅大客？

7:30am，再瞓過。。。早抖