今年第一篇竟然係。。。撞車？

30號晚，飲左兩杯兼大量花生；一番到屋企除衫，大量花生縠跌落地，妖，邊個咁衰仔。。。

1:00am,一撻落床就瞓著，瞓到半夜，個胃咕咕聲，好多氣，又嘔唔出，夾硬再瞓，但瞓到七點又醒，決定起身

睇下新聞，執番地下堆花生縠，覆下blog，8:30am就出門去灣仔打10:00pm嘅羽毛波，大量時間啦，點知等車等三個字，去到灣仔仲撞車，係呀!最後一日嚟撞車呀，前面架紅van玻璃碎哂，D乘客個個起身撥走身上嘅玻璃碎；我地架巴士就無乜事，但係撞果下，成個人“中”前，撞親個膝頭，不過應該無乜事；跟住司機叫人落車，我走去完早餐，先發覺，做乜唔影相呀？果然未瞓醒，跟住打波。。。無氣又無力，好彩對手都係咁上下啫！呵呵!