摩星嶺

小時侯，阿公會帶我去晨運，由堅尼地城行上摩星嶺，今日重遊，諗番起佢教嘅一D常識，大家嚟上大自然一課啦。。。

呢隻叫頭暈花，唔好見佢靚就走去索，彩色呢隻係會暈架，白色就無事，佢好甜，如果行山見無力，可以啜佢D花蜜，睇下第二張，有隻蟻食緊啦


呢種好似發毛嘅係地衣，空氣好先有，呌氣索大啖D


見唔見到圖中間係乜野，放大睇啦，係個蟻竇，用樹葉做，入面有隻新蟻后，大蟻好惡，唔好攪佢


呢兩張我都唔識，有無人識？
左：係生野定品種係咁？
右：靈芝？菇？乜菇？


無嚟十幾年，上到山頂，變哂樣，多左呢座野，乜嚟嘅呢？


以前打仗嘅遺跡，今日都係打仗，不過係war game;另有一班帶住𡃁模影相嘅龍友；呢度真係九曲十三彎，夜晚嚟真係嚇死


天氣好，總算都影到幾張靚相。。。

1/幅牆溝左貝殼，有乜野特別用意？


2/似唔似英國個石柱群？


3/似唔似真永遠？


以前嚟過幾次，左圖我先得廿歲，山頂有個小燈塔(我後面果個），今次上嚟諗住探下佢，點知已經拆左（右圖），前面本來一望無濟睇到日落嘅，而家前面D樹標高哂，無囉，乜都無囉