光復埋淺水灣吖，唔該

先開噚日答案。。。兩個著住清潔制服嘅男人，見到海邊石路旁有個膠袋，佢地會點做呢？

答案係﹣佢一腳踢個膠袋落海。。。真精彩

8月中嘅舊相。。。  
今次去“麗海堤岸路” 
本來想去深水灣向海洋公園果一段，果一段最出名係當年羅文拍“幾許風雨MV”嘅location，當年我都嚟過呀～

但今次落錯車，變左由深水灣行去淺水灣（係呀，又落錯車呀）
  
條路咁靚，環境又正，唔怪得咁多人跑步啦  
咦！有個女人著鬆高嚟行，想點呢？

 嗱嗱嗱！轉頭就見佢紮住腳啦，個鬼佬抱佢行呀，又真係好恩愛喎
咦！樹上面有野喎，乜嚟嘅？
原來係小松鼠，食到伸哂脷呀  

到淺水灣啦，睇下個沙灘。。。點解擔遮多過著泳衣嘅？我細路年代真係年年嚟游水架

但自從早兩年，瞓喺個灘時，比一車又一車嘅游客當係景點影相，仲點敢嚟吖～～  
呢班呢，似係學校旅行，但講國語架喎～～  
觀音果邊，原來水退有個小石灘，幾靚

呢期真係興掘野喎，呢樹都有係咁掘，有硯咩？
睇下條鯉魚像，原來變左投幣許願像呀，個個都拋錢入去喎
 睇返D正常野，呢兩張我like  
呢三張亦like  
光復左上水，可唔可以光復埋淺水灣呀？ 今年想去沙灘曬太陽，都真係決擇困難症；

深水灣假日超多外傭，好大聲；淺水灣就比人當景點；石澳又遠；反而去愉景灣最少人。。。

 去邊個好呢？