童年回憶﹣龍蚤

小時候住華富邨，記憶中夜晚經常一家大細帶桶水落樓下，放桶水喺電燈柱下，就會有呢樣野飛落水。。。 佢叫做龍蚤，唔係曱甴嚟架 

咁就捉佢落另一個桶仔 返屋企，老豆阿媽會灼熟佢嚟食，我就打死都唔食嘅，覺得腥腥臭臭咁

之後幾十年，環境污染，咁多年都無見過佢地啦 但係，今年喺摩星嶺，竟然比我見到幾隻喎


同阿媽講起呢件事，佢個反應係：做乜唔捉返嚟食呀？
我：加埋得果幾隻，你想食到絕種呀？

請問有無人食過？或者見過呢？