坪洲新發現﹣原來有個小沙洲

剛過去嘅週末，去左坪洲；明顯受撞船意外影響，無哂一家大細嘅家庭客。。。 
坪洲之前嚟過，離島中都算被忽略嘅一個，今次試下搵新特色先～  

到埗先醫肚，本來想搵新野食，但原來同行友人未食過棋森蝦多士，終於都係食佢，都係果個comment，蝦唔新鮮囉；
其實邊樹有靚蝦多士食呢仲？  

都係指定動作先上手指山，跟住沿樓梯經配水庫落山，左面會出現一個觀景亭； 
嗱嗱嗱，呢樹係必去架，點解？ 
因為坪洲嘅地理位置好特別，左面係廸士尼，青馬橋，九龍西ICC，中環IFC，數碼港都一眼睇哂呀～
靚爆了，你話係咪要嚟先？  

行返去東灣果邊，又可以見到愉景灣同南丫島喎  

通常大家到坪洲都係出碼頭行去右邊，有棋森，手指山，餐廳，渡假屋啦，左邊又如何呢？ 

行到盡頭會見到一條跨海大橋，人行架，係咪靚呢？（印象中香港好似無乜比人行嘅跨海大橋）


無車行架，踏下單車，跑下步，釣下魚，好舒服呀～  

過左橋，最吸引我嘅係離遠見到呢舊大石。。。

咁似泰國布吉果舊“占士邦石”嘅？  

仲有喎，過左橋嘅右面有個小沙洲喎  

都市人，有幾可見到小沙洲呢？
雖然好細，點都行過圈睇下啦  

地圖顯示，另一邊仲有個沙洲，但時間唔夠，留返下次啦；
影下夕陽魷先。。。  

仲有蛋家狗  

坪洲，下次再見啦～ 上次遊坪洲