991話 ﹣ 大事回顧

時間真係過得好快，屙篤尿就嚟到第991篇；為迎接1000篇嘅來臨，打後幾日都係做回顧架!


有幾個問題間中都有人問，今日公開答。。。。。。

1/
問：點開始寫blog架？
答：點開始架呢；其實係由去日本立山旅遊開始，本來只係放相上嚟比相熟朋友當相簿睇，漸漸見有人睇，於是想試下可唔可以做好D。。。寫到而家

2/
問：點解要多圖少字？
答：走乜路線呢？字都唔識多隻，唯一較優勝係鍾意影相，又得閒砌下稿；咁就決定做一個以相為主嘅blog啦！

3/
問：點解要日日寫？
答：自已讀廣告兼市場學，知道有樣野叫做慣性，所以我揀左每晚定時出blog，就係要讀者習慣每日嚟睇囉；

問：點解有時每篇咁短，呃blog。。。
答：一開始已決定每篇嘅閱讀時間唔會多過五分鐘，有人睇已經開心，邊好意思要你地花費更長嘅時間閱讀吖，唔好去瞓覺～

4/
問：點樣先可以每日有一篇？每篇寫幾耐？
答：同卡臣一樣，當然唔可能真係日日寫，通常搵日得閒會寫定幾篇，我大部份嘅blog都咁少字，所以其實每篇都係半個鐘頭內攪掂；但相集，遊記就真係例外啦。。。

5/
問：最長一篇寫左幾耐？
答：最長一篇寫左幾耐？答案係台灣清境遊記第一日，砌極都唔理想，結果用左9個鐘。。。

6/
問：最短呢？
答：讀者都知我專長係呃blog，真係一分鐘攪掂

7/
問：仲會寫幾耐？
答：早期認識嘅blog友，好多都唔寫甚至失踨，我有時都會諗究竟仲可以寫幾耐？
而早期的確set左目標，到達某個位就唔寫，收工；但其實目標年初到左啦，我又唔捨得唔寫喎，所以暫時都會繼續；只要大腦唔便秘，都仲會寫好佢。。。


聽日繼續