我阿媽

阿媽非常非常整潔，自細已經教要洗手，執野呀好手尾呀咁，間中上嚟我屋企就會頂唔順係咁執。。。

但噚晚打牌講番起一件舊年發生嘅𤓓事。。。

佢老花，要戴眼鏡，每次都係家姐帶佢去尖沙咀海港城配，家姐出手，當然係靚野啦；

咁果次，阿媽突然話：阿女，我D老花深左好多呀!

家姐：咁去搵阿Ben啦(眼鏡店老闆），就呢個星期啦，去食自助餐(lunch)前去啦

結果，打電話比阿Ben，原來商場邊有開咁早，但阿Ben見係熟客，提早開舖招呼啦；

嚟副舊鏡比阿Ben睇。。。

阿Ben話：哇!Auntie，你副鏡好污糟喎，我幫你洗洗先

洗完，阿媽竟然話：唉吔，清番哂喎！

家姐心諗，叫人早D開店，洗完眼鏡唔幫趁？咁𤓓？

結果配左副平時帶同一副睇報紙嘅

故事講完

噚晚打牌，家姐又發現阿媽副眼鏡污糟，原來又繼續無洗。。。。唔係吖？又嚟？