年廿八，放假lu+北京天氣預告

年廿八，收爐lu；上晝先去沙田睇呢個展覽，$10咋


唔多人，可以慢慢影相

---------------
睇完，做乜好呢，用上次遊戲得番嚟嘅戲飛睇“七十二家租客”先


張飛已經唔駛錢，仲有3D書簽送喎！

呢套戲。。。係好笑嘅，真係好多人做嘅，唯起嚟真係每分鍾有一個；

好耐無睇一套咁地道為港人拍嘅戲；你知啦，而家D戲，個市場都唔係擺喺香港，係唔係都搭兩件國內明星落去嘅，雖然呢套都搭左件唔知乜水喺度，但故事真係講香港架!（我推介stephy醫院，同長腳蟹果場，真係好好笑架）

﹣﹣﹣﹣﹣﹣﹣﹣﹣﹣
另外，四日三夜北京雪櫃之旅年廿九正式展開，先嚟睇睇天氣預告。。。

大家好，今晚由黃婉曼報告天氣，終於都停雪啦，日頭仲變番零度以上㖭，鳴門日日都發功，太陽真係比佢叫出嚟喎，但係天氣都係凍，都要著多幾件衫呀!


噚晚食飯時問大家想去邊？玩乜野？，原來大家都無野想睇想行想食，咁。。。其實仲乜要去北京呢？東京唔係好D咩？