北京雪櫃之旅﹣第二day（年三十）

先睇下酒店嘅外貌，四合院格局加靚靚location，好野嚟架


食完酒店早餐，兵分兩路，我同細佬加佢老婆去中國美術館，照書介紹，呢度經常有中國新一代嘅設計展，點知。。。

今期係書法＋年畫；
細佬問：仲睇唔睇呀
我：嚟到，點都睇下啦

行行下分開睇，我真係悶到喺展覽大堂瞓著左。。。（中國美術館有超極無聊番外篇，絕對比下面張圖精彩，不日推出）


去酒樓同老豆會合，又係家姐聽北京工作朋友推介一早訂好位嘅，個名係crystal jade,下，咪即係嚟北京食翡翠拉麵小籠包？
真係同一集團，但裝修極豪，點心亦美常好食喔!


蝦餃係滿分架


食完又再次兵分兩路，三人去798藝術區；酒店職員叮囑早D去，五點後會全關門，途中的士喺天橋比後面架車啄左一下，司機用非常北京腔笑住同我講：我撞車啦，你地搭第二架啦；跟住就落車同後面架車嘅司機理論，我地就喺天橋上面轉車啦(好驚）

走到798，原來年廿八開始已經全關門，加上果度極大灰塵，比我改左名叫798廢墟（好貼切囉）


下一站三里屯，行左nike, uniqlo,puma,到最大嘅adidas，咦，入唔到嘅，原來5:00pm，全部又關門啦


晚飯喺馬會食，十年花彫醉雞係我嘅推介


北京食野水準係高喎，中間碗茄蛋打鹵麵勁正，番香港我要學下煮


食完本來出發去水立方同鳥巢，但老豆突然話電視有波睇，睇一陣至去，結果。。。

唔知關唔關事，水立方關左門，只能叫的士司機停在一旁影張相


跟住去鳥巢，真係啱啱關咋!本來又要喺閘前影，但結果弟婦縲門口D護衛比我地入去門口影張相咋!


跟住原車返酒店，盛惠$150；真係到此一遊，我忍!

沿路煙花砲仗park park響，但我喺十二點前已沖好涼瞓著，靜靜來到虎年