到中環攝影師朋友office，上網訂新電腦，始終電腦科，佢最強，咁就無左皮幾，始終係搵食用，唔慳得！
見天氣幾好，無乜風，今日又得閒，喺中環行下，無乜目的，見靚就影！
跟陽光行，嚟到終審法院
喺隔離嘅聖約翰座堂，第１次入去，原來幾靚架喎！坐左一陣，感覺平靜哂！
影到唔停手，途經landmark，地下有彩虹喎！
行到ＩＦＣ，本來想去佢同碼頭之間嗰堆放草地嘅藝術作品，原來無路行去，香港攪藝術，唉！
再去，中環街市；咦！夢中見到嘅鐵線玻璃，呢度有呀！
再上，又到返味道濃郁嘅史蹟徑，發現盂蘭會都有舖架
越行越遠，嚟到醫學博物館；條鐵造樓梯好型呀！
一路都係隨心行，反而行Ｄ未行過嘅小路，幾多新野睇，好似呢個，叫勝地，但係廟嚟架喎！
行住Ｄ陌生路，出番嚟，原來已經係蓮香居，西營盤啦！
後記：今日嘅天氣＝今日嘅心情，表面上陽光燦爛，其實有一大片煙霞，要撥走煙霞，需要一點時間
.JPG)
12 意見:
d相嘅取景角度明顯地同普通人唔同, pro好多。果然係設計人!
醫學博物館嗰條鐵樓梯, 好似憶蓮 "講多錯多" MV 嗰個景呀!
都去到附近, 點解唔玩埋高院呀? 嘻嘻...
最後想講: 煙霞其實都係水氣, 最終都敵不過陽光嘅溫度。好快就會消開架喇!
過兩日北風一嚟又或者落場雨就乜野煙霞都散晒架喇~
過兩日行山, 呼吸下新鮮空氣人都爽D
black lab:
噚日狀態麻麻，陽光靚咋！
本來真係寫左""講多錯多"ＭＶ，最後覺得唔對題，cut左；知唔知ＭＶ個景係唔係佢母校？
高院唔同終審？係邊架？
largeheadboy：
都時我又嗌凍啦！
朱朋：
行兩粒星就可以嘅
你問邊個高院先？^.^
高等法院嗰個高院就喺「太平地」(pacific place)附近。
你講得冇錯，MV嘅另一個景正是林小姐嘅母校。
有心事~~~
人生就係咁 ~~~
希望在明天呀嗎~~~
maymay,スパゲティ，邪留丸~：
無事架！思想上有Ｄ便秘啫，focus番Ｄ相度啦
"思想上有Ｄ便秘"
飲可爾必思呀嗎
eric:
整樽都好喎！
一日點可以行咁多地方?
毅行者
Post a Comment