Friday, March 22, 2013

西環小店﹣鐵坂

今日陪阿媽覆診,今次係睇皮膚,先知原來今日係阿爸阿媽結婚49週年喎,問佢地今晚想食乜?佢地竟然揀左我樓下嘅“鐵坂  

上星期第一次嚟食,兩老食得好好開心,估唔到重要日子都要揀嚟呢度,上次最正係油甘魚頭,今次呢?。。。 老豆話D海膽超正喎
 

阿媽最愛三文魚,又係超新鮮,連我呢個狗鼻都聞唔到少少腥味  

餃子雜菜窩係我嗌嘅,點解我嗌果D賣相差咁遠嘅,餃子炸嘅。。。但幾好味喎又  

雜菜窩唔錯喎~好明顯見到兩父子口味南轅北轍 

湯麵阿媽嗌嘅,最後咪又係屈我食左大半碗;點解碗麵咁齋?因為。。。  

燒牛肉係另上架  

老豆要搵野送酒,叫多碟天婦羅,炸蝦係我推介  

老豆好似唔知飽咁,再叫多碟鵝肝多士,平時我實阻止食呢D肥兼殘忍野,但今日忍口,費事破壞氣氛;佢食完話太“漏”,呵呵~  

鐵坂地址:西環堅尼地城厚和街47號地下C舖 

西環變得太快,為左支持小店,嚟緊會介紹多D舖頭仔,希望佢地做得住,唔想西環都變埋周大屋

13 意見:

the inner space said...

這間鐵坂唔喺食鐵板燒!

Cat said...

唔腥?咁有無試件先?

卡臣 said...

執子之手,與子皆老

新鮮人 said...

看樣子不错,
可惜很少去西環,
幾年先至會經過一次,
我住東九龍,
是對角!

l.minor said...

好似唔錯,有冇食下海膽?

拎阿快獸出黎有冇折?

TY said...

好似都OK咁喎...等我下次去試下先~

naruto said...

the inner space:又真係唔知點解改呢個名喎

Cat:你同我老豆講嘅一樣,當然唔食啦

卡臣:執屎之手呢咁?

新鮮人:真係大對角呀

l.minor:無同無

TY:試啦,不過臣臣入唔到喎

Unknown said...

好似真係幾好味咁喎!

係咪唔係好貴?

naruto said...

quincy:一D都唔貴,呢餐$425三個人

Anonymous said...

亞媽睇完呢篇流晒口水, 不過我好辛苦由fat 操到 fit, 以上既野食唔掂得 :(

江湖散人

naruto said...

江湖散人:胡漢清呀你。。。不孝

Ebenezer said...

越睇越肚餓添!

the inner space said...

噢!明白了! 鐵坂 此坂是作小山丘解,不同鐵板的板!

有冇試過對面的”嵐川“呢?

Related Posts Plugin for WordPress, Blogger...