Tuesday, June 1, 2010

小玩意﹣牙簽

小時候一大班人食飯,D大人傾計你又無無聊聊時,可以做乜?果陣時又無PSP,又無iphone(我而家都無),咪玩下橡筋囉,仲有嘅就係酒樓一定有嘅牙簽。。。

點玩?睇野啦喂。。。
1/呢種牙簽搵左好耐至喺一間食車仔麵嘅搵到


2/兩枝叠埋


3/打橫插一枝


4/知道係乜啦卦


5/星?其實係飛標,整好幾粒,開戰啦


呢一代細路一定唔識,因為而家酒樓都唔係呢隻牙簽,太硬係整唔到架~

15 意見:

陳娃 said...

哈.. 我以前都成日玩. !!

卡臣 said...

忍者飛鏢

largeheadboy said...

我就冇砌星
多數用嚟同細佬格劍~

ayclui said...

我都有玩過呀...我又提供另一個玩法: 將呢款牙簽五枝, 中間折斷但唔斷開嘅, 好似 V 字咁, 之後砌成一粒星, 再之後用手指點d 水濕下個折斷位, 粒星會變大, 睇下邊個粒星最靚~

naruto said...

WWW:
咦!無代溝喎

卡臣:
好話,在下火影忍者

largeheadboy:
牙簽格劍?點格?

ayclui:
你呢隻女孩子玩意嚟啦,我見家姐姑姐玩過

maymay said...

細時真係成日玩呀,你唔講都唔記得lu~~

Artman said...

細個時試過N次拎住個牙簽筒跌落地下, 牙簽四散, 自始唔駛旨意玩牙簽.

supageti said...

嘥野呀 ~~~ :p

naruto said...

maymay:
使唔使寫篇”橡筋繩“幫你追番D回憶呀?

Artman:
真無用,跌左快快手執番落筒扮無事吖嘛

supageti:
而家唔撩牙,夠補償有餘

kateyip said...

大叔 ))))))))))))))
我個同事,除左整星星, 仲整狗仔添呀~~
你識唔識 ??

naruto said...

kateyip:
唔識

largeheadboy said...

一人攞住一支,然後比劍囉,睇下邊個斷先囉~

naruto said...

largeheadboy:
解釋完都唔係好明喎,隊到手指損都唔斷啦,不如你影埋相寫番篇嚟睇下~

largeheadboy said...

咁 stupid 架!
一人攞住一支牙籤當係劍然後比劍囉,都仲唔明就算喇!

naruto said...

largeheadboy:
我一向都拔拔架啦

Related Posts Plugin for WordPress, Blogger...