Saturday, September 28, 2013

阿仔失踪事件簿

講返噚日嘅“意外”。。。

一早起身,開房門出廳,一隻貓都唔見嘅?

確認門,窗無開,即係lay埋啫,搵左一陣,喺電視櫃嘅內格搵到阿妹;

摷sofa底,電視櫃底,廁所浴缸都無,行嚟行去好似個儍佬咁搵左15分鐘

再搵,放埋達仔出嚟,諗住靠佢fea返阿仔出嚟,達仔無反應喎。。。

驚,越嚟越驚。。。

化身金田一,諗起今朝起身,原本放喺書櫃頂嘅揸揸冰跌左落地,即係有貓跳過上櫃頂啦;

(張相係之後影嘅,之前佢地無跳過上去,平時達仔亦跳唔到,令我忽略左呢個位)


再諗,死,個CD架深度短D架喎,即係好面有個洞,阿仔唔係跌左落去呀?

因為無梯,拎張櫈企高都唔夠高,搵相機影落去睇下先,影出嚟一pat黑,唔似有喎


又過左10分鐘,達仔索下索下嚟到書架附近,跟住聽到櫃後面傳來微弱“碰碰”兩聲。。。

我個心真係碰碰啦,即係阿仔真係跌左落後面,諗起個櫃成七尺高,阿仔又唔出聲,個人亂哂,call佢老豆,叫佢即刻飛車嚟搬櫃救貓,我會先搬哂D書同CD出嚟先,佢飛的嚟。。。

同一時間,我落大堂搵看更借梯,返去行上去櫃頂照電筒,見到阿仔喺最底,但個位超窄,只見到佢個背抖氣

搬書搬CD,試下一個人搬個櫃,搬唔郁,醒起當年個櫃做左mounting,解鏍絲再搬,逐寸逐寸移,終於阿仔自己行返出嚟

呢個時候,佢老豆都到啦,阿仔無事,但我攰到無哂力啫

事後朋友嘅意見係,阿仔唔係跌落去,而係驚得滯搵地方lay,咁窄嘅位佢又真係無可能跌落去囉,但當時心都亂埋,邊識咁諗吖。。。

睇下,佢鬼咁易就上左去,我諗當年如果阿達仔都係咁,我會唔敢養貓囉

9 意見:

Anonymous said...

我諗我收養貓之前要先考慮埋呢一點......

江湖散人

Ebenezer said...

如果要日曰咁同佢地咁玩,你遲早入青山!

Anonymous said...

三日啫~三日啫~


邪留丸~

PanLa said...

我一見你個櫃就覺得好驚啦,
驚係驚佢會成排塌落黎,D小動物好犀利,可能手仔篤一篤就...阿仔冇事就好~我睇篇文都已經好緊張!!

Anonymous said...

咁你問定阿仔下次匿去邊,等你有準備囉喎!呵呵!!

Cat

欣宜 said...

當做運動減肥啦...

ayclui said...

真係嚇餐死囉...個櫃咁高亞仔都飛到上去...好輕功呀...

naruto said...

江湖散人:人夾貓緣,總有一隻你會養嘅

Ebenezer:去到第三日,越嚟越好啦,但係佢地明早返屋企lu

邪留丸:加時多一晚。。。

PanLa:做左mounting,有鏍絲釘左入牆,唔會塌

cat:無新地方啦,佢已經唔驚,週圍走

欣宜:賤

ayclui:借sofa跳上去,非常輕鬆呀

chiseenjai said...

真係嚇死...好彩搵到, 佢又抖到氣...

我家公子, 第1-2日, 都呢係電視櫃底, 得4吋高...

~_~"""

Related Posts Plugin for WordPress, Blogger...